Aasianni ikuallanneq: Politiit misissuissasut
Aasiaat innaallagissiorfiata eqqaani ataasinngornermi unnukkut nalunaaqutaq 17.30 missaani ikuallattoqalerpoq. Politiit qatserisartullu ornigupput, qatserisoqareermallu sullullit, tassa ruujorit, aqqutissaat ikuallassimasut paasinasivoq.
Tamanna pissutigalugu imermut imaarsaatit innaallagissiorfimmut pilersuisut nillarsarneqarsinnaasimanngillat, taamaattumillu illoqarfik tamarmi ataasinngornermi unnukkut sarfaaruttoq, Kalaallit Nunaanni Politiini sillimasoq Thomas Jeppsen oqaluttuarpoq.
Sullullit, tassa ruujorit, aqqutissaat ikuallannerannut suna pissutaanersoq paasiniarlugu politiit ikuallattoqarneranik marlunngornermi misissuissapput.
- Innaallagiaq allaluunniit ikuallannermut pissutaanersoq misissuinermi paasinarsissaaq, Thomas Jeppsen oqarpoq.
Taamaattumik suli annerusumik oqaaseqarsinnaasoqanngilaq.
Innuttaasut sarfamik aalunaaqutaq 23.30 missaani pilersorneqaqqilersut, politiit sillimasuat oqaluttuarpoq.
