Inuiattut ullorsiorneq: Pilersaarutit uani nassaarisinnaavatit
Nunatsinni siullerpaamik inuiattut ullorsiortoqarneranit aqagu ukiut 40-nngortorsiortoqassaaq.
Illoqarfinni nunaqarfinnilu amerlanerpaani kaffillertoqassaaq, Erfalasorput amuneqassaaq – puisinniarnermik aalisarnermillu unammisoqassaaq.
Sumiiffinni amerlanerpaani sumiiffiit ataasiakkaat minillugit ulloq nalunaaqutaq 08.00 aallartinneqassaaq.
Avannaata Kommuniani Ilimanami ulloq erfalasumik amusinertalimmik tatsip eqqaani nalunaaqutaq 09.00 aallartissaaq, sumiiffinnilu allani ullaakkut itiaartartunut pilersaarutini ilaalluni.
Assersuutigalugu Narsami nalunaaqutaq 07.45-mit A34-mit kommunip tungaanut katingalisaarluni ingerlaaqatigiittoqassaaq. Nuummilu kommunimit Nuup Saavata tungaanut nalunaaqutaq 07.30-mit ingerlaaqatigiittoqassalluni.
Qaqortumi illoqarfiup 250-inngortorsiornera unnukkut nereqatigiinnermik aamma nalliuttorsiutigineqassaaq.
Najukkani assigiinngitsuni pilersaarutit kommuninit saqqummiunneqartut uku toorlugit atuarsinnaavatit:
Kommune Kujalliup facebookimi quppernera
Kommuneqarfik Sermersuup nittartagaa
Qeqqata Kommuniata facebookimi quppernera
Avannaata Kommuniata facebookimi quppernera
Kommune Qeqertalimmi najukkani assigiinngitsuni pilersaarutit uani nassaarineqarsinnaapput:
Aasiaat, Kommune Qeqertallip nittartagaa
Qasigiannguit, Kommune Qeqertallip facebookimi quppernera
