Nunatsinni palaseqarnikkut ajornartorsiut atuuttuarsinnarpoq
Nunatsinni sumiiffinni assigiinngitsuni palasinik amigaateqarneq piffissami sivitsortumi atuuppoq. iivangkiiliup ajoqersuutiginissaanut palasissaaleqineq Nunaqarfinni illoqarfinni annertuvoq. Siumut sinnerlugu Inatsisartunut ilaasortap Jens Immanuelsen tamanna aaqqiissuteqarfigeqquaa.
Allattoq Peter Troelsen, Simon Uldum
januaarip 16-at 2014 07:49
Immanuelsen palasissaaleqineq pillugu § 37 naapertorlugu apeqquteqarpoq. Ilaatigut paaserusuppaa ilagiit sullinneqarneranni nunatsinni palasitut atorfiit anigaasaleriikkat qassit inuttaqartinneqanginersut, illoqarfiit qassit aamma sorliit palaseqartinneqannginnersut, minnerunngitsumillu palasissaaleqinerup qaangerniarnissaanut Naalakkersuisut sunik pilersaaruteqarnersut.
-Ukiuni arlaqaleqisuni ajornartorsiut atuuppoq aaqqiissutissanillu piffissaq ungasinnerusoq eqqarsaatigalugu suliniuteqartoqartariaqarpoq, tamannalu anguniarlugu kaammattuutigissavara pimoorullugu suliniutigineqassasoq ajornartorsiummi ukiuni arlalinniatuuttoq aaqqiiivigineqartariaqalermat, Immanuelsen apeqquteqaatini taama tunngavilersorpaa.
