Nunarput IAEA-mit qaaqquneqarpoq
Nunarsuaq tamakkerlugu atomip atorneranut nakkutilliisoqarfiup (IAEA) pisortaata Yukia Amanop nakkutilliisoqarfiup immikkut ilisimasalittaasa pisariaqartitsineq naapertorlugu atorneqarsinnaanerat innersuussutigalugu, aammalu sillimaniarneq nakkutilliinerlu pillugit IAEA uran pillugu ataatsimiinnissaa innersuussutigalugu Kalaallit Nunaannik qaaqqusivoq.
Allattoq Peter Troelsen, Simon Uldum
decembarip 04-at 2013 07:08
Folketingip nunanut allanut ataatsimiitaliaata nunarsuaq tamakkerlugu atomip atorneranut nakkutilliisoqarfiup pisortaanik ataatsimeeqateqarneranut atatillugu tamanna pivoq. Ataatsimiinnermi nakkutilliisoqarfiup nunarsuaq tamakkerlugu uranimik niueruteqarnermi nakkutilliineq Folketingip nunanut allanut ataatsimiitaliaanut ilisimatitsissutigaa
Doris Jakobsenip nammineerluni pisortap qaaqquserusunnginneranik apeqquteqarpoq, Nunattalu siunissami uranimik avammut nioqquteqartunngornissaa eqqarsaatigalugu, paasissutissat uranimut tunngasut Nunatsinnit atorluarneqarsinnaakuttoorput.
