Ilinniartut peqatigiiffiat Avalak: - Matuissoratarsinnaavugut
Namminersorlutik oqartussat aningaasaateqarfiat matoqqasoq. Aningaasat 2 million koruunit sinnerlugit amerlassusillit, qallunaat aningaasaqarnermut inatsisaanni atorneqarsinnaajunnaarlugit mattunneqarsimasut.
Ukioq 2020 tikillugu aningaasaqarnerminnut missigersuutit aaqqissinnaasimanngilaat, ilinniartut peqatigiiffiat danmarkimiittoq Avalak taama inissisimavoq.
Ataasiaannaratik amerlasuut aaqqeriartarsimagaluarpaat, Naja-Theresia Høgh, Avalammi qitiusumik immikkoortortami Københavnimi siniisuutitaq taama oqarpoq.
-Ukiut pingasut sisamallu missaanni, Avalammi siulersuunerit naatsorsuutit aaqqiaginiviginiartarsimagaluarpaat aningaasallu atorneqarnerinut uppernarsaatinik 2018-imili amigaateqartarsimapput.
Ullumikkulli ukiuni taakkunani, aningaasanik missigersuinermi 2018 tikillugu suliaqarsimasunik peqatigiiffimmiittoqanngilaq, Naja-Theresia Høgh oqarpoq.
- Naatsorsuutit ukiuni kingullerni pingasuni sisamaniluunniit siulersuisunngortartunit aaqqiiviginiarneqartarsimagaluarput, atuisimanermik uppernarsaatinik 2018-mili amigaateqartarsimammata.
Avalammut ukiumoortumik aningaasaliissutigineqartartut 2019-mi 404.000-usut Ilinniartitaanermut Kulturimut Timersornermut ilaageeqarnermullu Naalakkersuisoqarfimmit 2020-mi tunniunneqartarunnaarput.
Ullumikkut ukiuni 2018-i sioqqullugu tikillugulu, aningaasanik naatsorsuinermi suliaqarsimasunik, immikkoortartani sisamaasuni peqatigiiffimmiittoqanngilaq, ilinniartut ilutigalugit siulittaasut taarserneqartarmata.
Naja-theresia Høegh ilinniartoqatinilu peqatigalugit, siusinnerusukkut peqatigiiffimmi siulittaasuusimasut attavigingaluarpaat, aningaasanilli atuinermut uppernarsaatit amingaatigineqartut nassaarisinnaasimanngilaat.
- Siulittaasut nutaat imaluunnit sumiiffinni siulersuisut aqutsileraangamik, 2018-imiit suut amingaataanersut takujuminaatsittarpaat, Naja-Theresia Høegh oqarpoq.
Kalaallit ilinniartut danmarkimi peqatigiiffiat tammariartorpoq
Danmarkimi ilinniagaqartut peqatigiiffianni isertitanik amigaateqarneq pissutigalugu, Aalborgimi Odensemilu immikkoortortaqarfiit matunerannik kinguneqarpoq. Arhusimi københavnimilumi immikkoortortaqarfiit annikinnerpaamik atuinermik ingerlapput, Naja-Theresia Høegh oqarpoq.
Avalammi aningaasanik pissarsinngikkutta, ajorluinnartumik kinguneqarsinnaavoq, Naja-Theresia Høegh oqarpoq.
-Siusinnersukkut aaqqissuussanik ingerlatsisarsimanitsituut pisinnaajunnaarpugut. Ilinniartut nutaat naapikulasinnaajunnaarpagut, taamaaliortussaagaluarluta.
-Ilinniartunut danmarkimut nuuttunut ataatsimoorfissaaruppoq, ilanngullugu taanna oqarpoq.
Angerlarserneq ataatsimoorfissamik amingaateqarneq, Kalaallit Danmarkimi ilinniartut, ilinniarnerminnik unittitsiinnartarnerannut peqqutaasut ilisimaneqareerput.
Kalaallalit danmarkimut ilinniariartortut uniinnartarneranni angerlaannartarneranni, angerlarserneq nalunngisanillu oqaloqatissaqannginneq, ataasiaannaratik peqqutaasutut tunngaviusut ilisimaneqareerput.
-Aningaasanik tapiissutinik ukiup tulliuttup ukiulluunniit marluk tulliutttut ingerlannerani pissarsinnginngikkuta, Avalak matusariaqalersinnaavoq taamaalillutik kalaallit ilinniartut peqattigiiffeerutissapput.
Aningaasat immaqa tunniunneqassapput
Taamaakkaluartorli neriuutissaqarataannaavoq
Danskit aningaasaqarnikkut inatsisaanni 2024-mut atuuttumi 2027 tikillugu, aningaasat 2 million koruuninik immikkoortitsisoqarpoq.
Aningaasat peqatigiiffiup nalinginnaasumik ingerlatsineranut atorneqartussanngillat, aningaasaqarnikkulli immikkut ilisimasalik suleqatigineqassaaq peqatigiiffiup anigaasaqarnera ajunngitsumik ingerlanneqalissammat.
Taakkua tunniunneqartinnagit Avalak peqquneqarpoq naatsorsuutitik nassiutissagaat, taakkua kingullermik suliarineqartut 2018-mi kiisalu 2024-mut missingersuutitik
Dansk Ungdoms Fællesrådimeersut aningaaserisuat, massakkuugallartoq missigersuinermi aaqqissuussinermi ikiortigivaat.
Maannamummi tamanna pisariaqarpoq, Naja-Theresia Høegh oqarpoq.
- Isumaqarpunga aaqqissuussaanikkut iluarsartuussinissamut tamanna pisariaqartoq, ilinniarneq eqqarsaatigalugu suliakkiivallaanngitsumik, ingerlatsineq pitsanngorsarneqarsinnaassaaq, akisussaaffiillu suliarinnissinnaasunut atorfilinnut tunniunneqarsinnaassasut. Tamannarpiarlu amingaatigineqarsimasoq isumaqarpunga.
Aningaasat Folketingimeersut atorneqarsinnaalissapput, Avalak nalunaarpat kimit aningaasaqarnikkut ikiiorneqarusunnerlutik. Ullorsiuutinilu allaqqalereerpoq Folketingimi sassartitat allaffissornikkut eqqartueqatigalugit, taannarpiaq pillugu naapissagaat.
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik, peqatigiiffimmut avalammut tapiissutinik unittitsisimalluni, KNR-imut uppernarsaavoq.
Nunatta karsianit 2024-mut atuuttumi 423.000 koruunit missingersuusiunneqarsimapput taakkualu Avalammut immikkoortinneqarsimapput.. Taakkuli Avalaap pissappagit, 2018-imiit aningaasanut naatsorsuutit, ukiumullu uunga missigersuutit, tamarmik tunniunneqassapput.
-Naalakkersuisoqarfik missigersuutinik suli tingusaqarsimanngilaq, ukioq 2024-imullu missigersutit ilanngullugit. Pisariaqartinneqartut tinguneqariarpata, Naalakkersuisunut aaliagiinissaq tunniunneqassaaq, taama naalakkersuisoqarfk KNR-imut paasissutissiivoq.
