BankNordikimit aningaasatigut kaaviaartitsilluartoqartoq erniallu appariartornerat nalunaarutigigaat
Angusat ataatsimut isigalugu aningaaseriviup naammagisimaarpai, tassa akileraarutit suli peernagit naatsorsuutit inernerat 119 mio. kr.-iuvoq, taakkunanngalu nunatsinni ingerlatsineq 32 mio. kr.-inik angusaqarfiuvoq.
Uninngatitat taarsigassarsiallu annertusiartornerannit isertitat amerliartorsimanerat ingerlalluarnermut pissutaasoq, aningaaserivik tusagassiuutinut nalunaarpoq.
Aningaaseriviup aningaasaataanit iluanaarutit aamma iluarisimaarneqarput. Inuussutissarsiortut inuillu ataasiakkaat sullinneqartut ingerlalluarput, taamaammallu taarsigassarsiarititanik appartitsinernik utertitsineq ukiup sisamararterutaasa pingajuanni aamma pivoq.
Ukiup sinnerani ingerlalluaannarnissaq siulersuisut naatsorsuutigaat, ukiullu naanerani akileraarutit ilanngaatigereerlugit angusaq 275-300 millionit koruunillu missaaniissangatinneqartut, BankNordikkip pisotaanera Turið F. Arge ima oqarpoq
- Renteniveauet er faldende, og markedet forventer endnu flere rentenedsættelser i den kommende periode. Det vil gøre det lettere for familier, som har mærket et økonomisk pres grundet rentestigninger de sidste par år. Men generelt har vores kunder det godt, og det afspejles i tilbageførte nedskrivninger i kvartalet, siger Turið F. Arge, som er administrerende direktør i BankNordik.
Taagutissaa saqqummiunneqassaaq
- Erniat inissisimanerat appariartorpoq, piffissamilu aggersumi suli ernianik appartitsisoqaqqinnissaa niuerfimmi naatsorsuutigineqarluni. Tamanna ilaqutariinnut ukiuni kingullerni erniat qaffattarsimanerannit aningaasaqarnikkut ilungersortarsimasunut oqilisaataassaaq. Ataatsimulli isigalugu sullitavut ingerlalluarput, tamannalu aamma ukiup sisamararterutaani pineqartumi appartitsinernik utertitsinermi takuneqarsinnaavoq,” taanna oqarpoq.
BankNordik nunatsinni niuernermi 2010-mili akuulerpoq, nunatsinnilu immikkoortortaqarfiup nutaamik ateqalernissaa ukiup massuma aallartinnerani aalajangerneqarpoq, ateriligassaalu nunatsinnut tulluarsagaassaaq.
Aningaaseriviup nunatsinni inunnik ataasiakkaanik inuussutissarsiortunillu suleqateqarnerata suli pitsanerulersinnissaa siulersuisut kissaatigigaat, atermillu allanngortitsineq tamatumunnga iluaqutaassasoq, aningaaserivik nalunaarpoq.
Aningaaseriviup ateriligassaanik kikkulluunniit siunnersuuteqarsinnaapput.
Aningaaseriviup atissaatut siunnersuutigineqartut 3.000-it sinnerpaat, atissaatalu ukiup naannginnerani nalunaarutigineqarnissaa pilersaarutigineqarpoq.
