Politiit ullormut nalunaarutaat: Kommunit illuutaanni marlunni tillinniartoqartoq
Illoqqarfinni marlunni kommunit illuutaanni ullut marluk ingerlaneranni tillinniartoqartoq tillinniariartoqartorlu, Kalaallit Nunaanni Politiit paasissutissiipput.
Allattoq Birgitte Kjeldsen
decembarip 12-at 2025 12:02
Nutserisoq Jens Thorin
Qeqqata Kommuniata Sisimiuni illuutaani sisamanngornermi ullaakkut tillinniartoqarpoq.
Kalaallit Nunaanni Politiit KNR-imut taama paasissutissiipput.
Tillinniat meeqqat inuusuttuaqqallu sukisaarsaartarfiannut Sukorsinut nalunaaqutaq arfernup arfineq marlullu akornanni isersimapput, aningaasaminernillu tillillutik.
Sillimasut pisortaata, Malik Olesenip, oqarnera naapertorlugu pinerluttut suli nassaarineqanngillat.
- Sulili misissuivugut, taanna oqarpoq.
Politiit Sisimiuni tillinniarnerup saniatigut Avannaata Kommuniata Uummannami toqqaviutaani sisamanngornermi aamma tillinnariartoqaraluarneranik kalerrinneqarput.
- Piffissaq pinerluffiusoq decembarip qulingiluaata qulingatalu akornannut nalunaarsorneqarpoq, sillimasut pisortaat oqarpoq.
