SAR-imik suliaqarneq: Halfdan Jensen Maniitsumeersoq maanna ujaarineqarpoq
Kalaallit Nunaanni Politiit Issittumilu Sakkutooqarfiup Maniitsumeersoq 59-inik ukiulik Halfdan Jensen ippassaq unnukkut nalunaaqutaq aqqanernulli ujaarivaat.
- Ippassaq ullaakkut arfernup qeqqali angerlarsimaffimminit umiatsiaminukarmalli takuneqarsimanngilaq, Kalaallit Nunaanni Politiini pigaartut pisortaat Poul Kreutzmann oqarpoq.
Aasiaat Radioa aqqutigalugu ujaarineqarpoq, ilaqutaasalu aammalu namminneq kajumissutsiminnit ikiuuttut ippassarli Maniitsup sineriaani umiatsiaaqqallu talittarfiata eqqaani ujarsimavaat, pigaartut pisortaat oqaluttuarpoq.
- Ajoraluartumik iluatsitsisimanngillat, umiatsiarlu talittarfimmiinngilaq, naluarpulli sumukarsimanersoq, Poul Kreutzmann oqarpoq.
Umiatsiaq qaqortuuvoq Draco 2000-iulluni, qasertumik anorimut illersuuteqarluni, Mercury-mik aquuteralaqarluni 150-imillu sakkortussuseqarluni, pigaartut pisortaat ilisimatitsivoq.
- Taamaattumik taassuminnga takunnissimasinnaasut imaluunniit qanoq pisoqarsimaneranik ilisimasaqarsinnaasut Kalaallit Nunaanni Politiinut saaffiginneqquneqarput, pigaartut pisortaat oqarpoq.
Kalaallit Nunaanni Politiit oqarasuaammut 70 14 48-mut attavigisinnaavatit.
