Frankrigimi juutit naalagiartarfiini atuarfiinilu isumannaallisaanerit annertusineqartut
Frankrigimi juutit atuarfiini juutit, naalagiartarfiini sumiiffiinnilu assigiinngitsuni juutinit ornigarneqartartuni isumannaallisaanerit annertusineqarput.
Frankrigip nunamut namminermut ministeria attaveqartigiittarfimmi X-mi taama allappoq. Taanna ima kaammattuuteqarpoq:
- Juutit poorskisiortarnerisa qanilliartornerani nunanilu sumiiffiinni assigiinngitsuni pissutsit pillugit sumiiffinni atorfilittat oqarfigigaakka, juutit ornittagaanni, atuarfiini naalagiartarfiinilu ismannaallisaanerup annertusineqaarnissaanik.
Juutit poorskisiortarnerat Pesachimik taaguuteqartinneqartoq apriiliip ulluisa 22-anni aallartissaaq.
Isumannaallisaanerup annertusineqarnissaanik kaammattuuteqartoqarpoq, Iranimiut qaartartut igeriuttakkat ungasianiillu aquttakkat sapaatip ullaassaani Israelimut igeriummatigit. Tamannalu Kangia Qiterlermi pissutsit ernumanarnerulernerannik kinguneqarluni.
Israelimiut sakkutuuisa oqarnerat naapertorlugu ungasianit aquttatakkat qaartartullu 300-nit amerlanerusut iranimiut Israelip tungaanut igeriuppaat.
Iranimiunit igeriunneqartut tamangajammik, tassa 99 procentii Israelimiunit aallaaneqarlutik nakkartinneqarput. Taamaaliortoqarporlu USA-mit, Tuluit Nunaannit, Frankrigimit Jordanimiillu ikiorneqarlutik.