Diskolinep angallataa sermermut aporpoq: Ilaasut nalaatsinerlunnermik ikiuigasuarfigineqartut
Disko Linep angallataasa ilaanni ilaasut tallimanngormat ullaap tungaani nalaataqarnerlupput.
Ingerlatseqatigiiffik tusagassiuutinut taama paasissutissiivoq.
Disko Linep nalunaarutaa naapertorlugu Qeqertarsuarmut ingerlaaleqqammerlutik pisoqarpoq:
- Ilulissanit avalaqqammerlutik sermimut ajoraluartumik aporput.
Nalaatsinerlunnermi ikiuigasuarneq
Tusagassiuutinut nalunaarut naapertorlugu angallammi inuttat ilaasullu isumagineqarput.
- Apornermi ajoqusertut nakorsamit misissorneqarput, kingornalu nammineq kissaateqarnerat malillugu apuuffissaannut angallanneqarlutik, Disko Line paasissutissiivoq.
Ilaasut Qeqertarsuarmut tikikkamik Kommune Qeqertalik suleqatigalugu naalaatsinerlunnerat pillugu ikiuigasuarfigineqarput.
- Nunami suleqatigut ilaasutsinnut tapersiingaatsiarput. Kommune Qeqertalik nalaatsinerlunnermut ikiuigasuapallannera pillugu qujassuteqarfigaarput.
Oqaaseqarfiginianngikkaa
Disko Linep tusagassiuutinut nalunaaruteqarnermini pisoq iluminni misissorneqartussanngortinneqartoq itisilerpaa.
Tamatuma saniatigut Imarsiornermut Aqutsisoqarfik pisoq pillugu nalunaarfigineqarpoq.
Tamannalu pissutigalugu ingerlatsiffiup tallimanngornermi pisup misissorneqarnera naammassineqartinnagu annerusumik oqaaseqarfigerusunngilaa.
