Aarhusimi Kalaallit Illuat pisortartaartoq
Aarhusimi Kalaallit Illuanni siulersuisut Marie Annelise Kahlig pisortassatut toqqarpaat. Siulersuisut tusagassiuutinut nalunaarummi allapput.
- Marie suliatigut piginnaasaqarluarpoq, aqutsinermi misilittagaqarpoq, kulturikkullu ilisimasaqarluni. Taassuma Aarhusimi Kalaallit Illuata ilinniartunut, innuttaasunut suleqatigisanullu iluaqutaasumik ineriartortitsinermik nangitsinissani qilanaaraa, siulersuisut siulittaasuat, Kjeld Mørch Stigsen oqarpoq.
Marie Annelise Kahlig atorfimmi 2025-p ingerlanerani pisortaagallarsimavoq, taannalu illumi qitiusumik, ilaatigut sulisoqarnermut immikkoortortaqarfimmi pisortallu tulliatut ukiut qulit sinnerlugit suliaqarpoq.
Taassuma aqutsineq, pilersaarusiorneq, aningaasaqarneq, ineriartortitsineq aamma misilittagaqarfigai, saniatigullu kalaallisut danskisullu oqaluttarluni.
Marie Annelise Kahlig Nuummi peroriartorpoq, siulersuisullu oqarnerat naapertorlugu kulturikkut ilisimasaqarluarpoq, tamannalu nunatta Danmarkillu akornanni atassuteqarnermik illup suliaqarnerani pingaaruteqarpoq.
