Jakob Janussen: Naalakkersuisooqatigiit oqariartuutaat ersernerlussimapput
Aatsitassarsiornermi akitsuutit, Royaltiesinik taaneqartartut qinersisartunut saqqummiunneqartarneri Naalakkersuisooqatigiinnik iluatsippiarsimanngitsoq, Jakob Janussenip oqaatigaa.
- Aatsitassat piiagassat qanoq ilillugit akileraarusersorneqassanersut, tusaannarlugu nassuiaruminaappoq, kisianni qularinngilara Siumup qineqqusaarnerminni annertuumik tikkuartugaa, tassa aatsitassat Nunatsiniit annissorneqartussat ulloq siullermiit akileraaruserneqartarnissaannik oqariatuutaat, qularnanngitsumik qinersisartunit upperineqarmat.
Jakob Janussen oqarpoq nangillunilu oqaatigalugu Inuit Ataqatigiit, Demokraatit aamma Kattusseqatigiit Partiiata, kingusinaarlutik akileraarusersueriaaseq, Royalties nassuiarniarsarisimagaat sooq taanna qinersimanerlugu.
Jakob Janussenip aamma oqaatigaa, naalakkersuisooqatigiinnit pissutsit piviusut nassuiarneqartarneri pitsaasuusimanngitsoq, taamaattumillu qinerissartut partiinut aalajaakkaluarlutut, allanik qinersinissaminnik eqqarsalersinneqarsimasut, assersuutitullu uku oqaatigalugit.
- Suliffissaaleqaisut amerleriarnerat annertoorujussuarmik taakkartorneqarpoq. Pingaartumillu taakkartrorneqarluni, naatsorsuineriot kingulliit takutitaat, tassa qaammat januaarimi suliffissaleqisut 5.400-juusut. Aamma eqqartorneqartoq alla, tassa inissianut akiliutit annertuumik qaffanerat annerusumik tikinn eqanngilaq tamanna sumik tunuliaquteqarnersoq.
Jakob Janussen oqarpoq nassuiarlugulu maanna naalakkersuisuut siuliisa inissianut akit nikisinnaveersaarlugit pisimanerisa pilersissimammagu inissiaq aaqqissuunneqartarnerinut akissaqartoqarsimannginenra, tamannalu maanna naalakkersuisooqatigiinnik iluamik qinersisartunut paasitsissimanngikkaat oqaatigalugu. Taamaattorli demokraatit siulittaasuata, Jens B. Fredriksenip kisimi tamanna oqaatigisimagaa Janussenip oqaatigaa.
Nunatsinni suliffissaaleqinerup ullumikkut taama annertutigineranut aamma suliffissaaleqinerup akiorneqarniarneranut naalakkersuisooqatigiit qanoq iliuuseqarpiarsimanngitsut, Jakob Janussenip oqaatigaa, naalakkersuisooqatigiillu iliuuseqarpiarsimannginnerat Siumukkunnit atorluarneqarluni qineqqusaarnermi saqqummiunneqarsimasoq, Jakob Janussenip oqaatigalugu.
Qinersisartullu partiinik qinigannaaminnik taasinnginnissaannut tamanna aqqutissiuusilluarsinnaasoq, Jakob Janussenip oqaatigaa.
