Issittormiut inuusuttaasa tusarniarneqartarnissaannik ilungersuuteqartoq

Issittumi inuusutut ilinniartitaaneri, meeqqat inuusuttullu pisinnaatitaaffiinik illersuinissaq taamatullu taakku isumaasa tusarneqarnissaat ilaatigut anguniarlugit, ICC-p Inuvimmi ataatsimeersuarneranut peqataavoq, inuusuttoq Sorlammit aallartitaq, Aili Liimakka Laue.
Allattoq Apollo Jeremiassen
juulip 24-at 2014 04:17

Taassuma Nunatsinnit inuusuttunit kisiartaalluni aallartitaanini uggoraa naammaginanngitsutullu oqaatigalugu.
Aili Liimakka Laue, Nunatsinni inuusuttut sinnerlugit, Naalaaffiit Peqatigiit atatsimiisitaliani kalaallinit siullersaalluni, 2013-mi ilaasortanngorpoq, taasami Arctic Region Youth Focal Points-imi.

AAMMA ATUARUK Martha Lund Olsenip paqumigineqartut nipangiusimaneqarunnaarsikkusuppai

-    ICC-p ataatsimeersuarneranut inuusuttut sinnerlugit kisiartaallunga aallaritaavunga, tamannalu uggornarpoq aamma uggoraara naggueqatitsinnit inuusuttut ikittuinnaat aallartitaammata. Tamanna naammaginanngimmat suliniutiginiarlugu maanna eqqarsarpugut, taamaalilluta inuusuttut akuutinneqartarnzissaat ICC-p iluani nukittorsaqqinneqassammat.

AAMMA ATUARUK ICC-mut ataatsimeersuariat nersorniarneqartut

Aili Liimakka Laue-p Issittumi inuusuttoqataasalu taamatut nukittorsaanissaat aningaasanik aporfeqarpoq.

- Tassa maanna paasinarsivoq Issittumi suliniaqatigiiffiit tamarluinnagajammik aningaasatigut ikilisaaffigineqartut, sorlu Nunatsinni ICC aamma taama pineqartoq. Tamanna kipiluttunartpoq, tassami inuusuttut suliniarnerat maanna aatsaat taama pingaaruteqartigilersutut immat, Naalaaffiit Peqatigiit atatsimiisitaliani,  Arctic Region Youth Focal Points-imi ilaasortaq, Aili Liimakka Laue taama oqarpoq.

ICC-p Inuvimmi ataatsimeersuarnerata ullumi naggataarneqarneqaranni, ICC Kalaallit Nunaata siulersuisuinut Aili Liimakka Laue qiningaasussatut innersuunneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq