Vivian Motzfeldt: Canadami Kalaallit Nunaata sinniisoqarfissaanik ammaassaagut

Nuummi sissiukkami tusagassiortunik arfininngornermi ualisoq katersortitsisoqarpoq. Tassani Nunanut allanut Ilisimatusarnikkullu Naalakkersuisoq, Vivian Motzfeldt, qallunaat nunaanni nunanut allanut ministeri Lars Løkke Rasmussen kiisalu Canadami nunanut allanut ministeri Anita Anand, tusagassiortunik katersortitsipput.

Allattoq Irene Jeppson, Aminnguaq Dahl Petrussen

februaarip 07-at 2026 15:39

Nunarput Canadami sinniisoqarfimmik ammaassamaalersoq, katersortitsinermi ilaatigut oqaatigineqarpoq.

Vivian Motzfeldt:

- Nunatsinni Canadap nunanut allanut sinniisoqarfianik ammaanerput, atassuteqatigiinnitta nukittunerulerneranik takussutissaavoq, taamaalillutami ajornannginnerusumik suleqatigiinnerput nukittorsarsinnaaleratsigu. Taamatulli Canadami nunatta sinniisoqarfissaanik ammaanissarput siunissami qanittumi kissaatigaarput, Vivian Motzfeldt oqarpoq.

Nuummi Canadamiut nunanut allanut sinniisoqarfiat pisortatigoortumik tallimanngornermi ualisoq ammarneqarpoq.

- Nunatut tatisimaneqalernerput nalaatinngikkippulli, Canadamiut qanimut suleqatigisareerpagut. Sinniisoqarfimmik ammaaneq ullumikkut pisunik taamaallaat tunngaveqanngilaq. Nunatummi sanileriippugut, oqaluttuarisaanikkullu assigiissuteqarluta. Qaninnerulernitsigut suleqatigiinnerput nukittorsassavarput, niuernikkut, ilinniagaqarnikkut sillimaniarnikkullu, Vivian Motzfeldt oqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.