USA Iranimut pillaatitut iliuutsinik atuutilersitsiniartoq
Iranip Israel sapaatit akunnerata naanerani saassutereeraalu, USA Iranimut pillaatitut iliuutsinik ulluni tulliuttuni atuutilersitsiniarpoq.
USA-p isumannaallisaanermut tunngasuni siunnersuisua Jake Sullivan taama nalunaaruteqarpoq.
Iranip raketinik timmisartuaqqanillu ungasianit aqunneqarsinnaasunik nioqqutissiorsinnaanera pillaatitut iliuutsit aqqutigalugit eqqorniarneqarpoq.
Iranip oqaluttuarisaanerani Israel Iranimit sapaatit akunnerata naaanerani siullerpaamik saassunneqarpoq, raketit timmisartuaqqallu ungasianit aqunneqarsinnaasut saassussinermi atorneqarlutik.
USA-p iligisaasa Iranimut pillaatitut iliuutsinik aamma atuutilersitsinissaat naatsorsuutigalugu, Sullivanip aamma oqaatigaa.
EU Iranimut pillaatitut iliuutsinik assigiinngitsunik atuutilersitsereerpoq. Assersuutigalugu timmisartuaqqanut ungasianiit aqunneqarsinnaasunut atortunik EU-mit Iranimut tunisaqaqqusaajunnaartoqarpoq.