Tusagassiuut: One Stop Security kinguaattooqqittoq
Nuummiit nunanut allanut Københavnikkut timmisartortut Danmarkimi isumannaallisaanermut misissuivikkooqqeqqaartariaqartassapput. One Stop Securitymi aasaq manna piareernavianngilaq. Sermitiaq.ag taama allappoq.
Greenland Airportsikkut ulapikkamik suliassat allat One Stop Securitymit pingaarnerutippaat.
Allattoq Ivik Kristiansen
juulip 15-at 2025 14:08
Nuummi mittarfissuup siorna novembarimi ammarnerani piareeqqasussaagaluarpoq. Taava aasaq manna piareernissaa pilersaarutaalerpoq. One Stop Securityli kinguaattooqqippoq. Sermitsiaq.ag taama allappoq.
– Unammillernartorpaaluit allat upernaaq ulapputigingaatsiarpagut, pingaarnersiuisariaqarsimallutalu, Greenland Airportsip pisortaanera, Jens R. Lauridsen tusagassiuutimut oqarpoq.
One Stop Securitymut aaqqissuussaqarpat, Nuumminngaanniit Europami nunanut allanut timmisartortut Københavnimi sillimaniarnermut misissuivikkooqqaanngikkaluarlutik nunanut allanut timmisartorsinnaassagaluarput.
One Stop Securityp ukiaru akuerineqarnissaa Greenland Airportsimit maanna ilimagigaat, Sermitsiaq.ag allappoq.
