- Misigisassaq misigisassarsiorniartumut utaqqisarpoq, issittumi ilisimasassarsiorsimasoq, Knud Rasmussen oqarnikuuvoq.

Tusagassiorfiup BBC-p allaaserisaa naapertorlugu nunarput misigisassat utaqqiinnarput nunarpullu ukioq manna tikinneqartariaqarluni. BBC-mmi nunarput 2025-mi angalaffissani pitsaanerpaat 25-t ilaattut toqqarpaa.

- Illoqarfiit pingaarnersaanni Nuummi nunanit tamalaanit mittarfiup ammarneqarneratigut aamma mittarfiit allat marluk 2026-mi ammarneqartussaanerat pissutigalugit Kalaallit Nunaannukarnissaq aatsaat taama ajornaatsigivoq, BBC allappoq.

Allattorsimaffimmi – BBC-p ukiut tamaasa saqqummersittagaani – nunarput nunat 25-t akornanni pitsaanerpaat sisamaattut inissisimavoq, republikken Dominica, Japanimi Naoshima Italiamilu Dolomitter siullerni pingasuni inissisimapput.

Allattorsimaffimmi ukioq manna nunat illoqarfiillu ”angalanermi misigisassaqarfiulluartunik” neqerooruteqartut aamma ”takornariaqarnermik sumiiffimmi inuiaqatigiinnut tapersersuinermik aamma avatangiisinik illersuinermik kulturikkullu kingornussassanik asseqanngitsunik attassinermik atuisut” sammineqarput.

- Kalaallit Nunaat ”takornariaqarnermik pitsaanerulersitseqataaniarpoq”, takornariaqarnermullu inatsit nutaaq takornariaqarnermit najukkami inuiaqatigiinnut iluaqutaasussanik qulakkeerinissaq siunertaqarpoq, BBC ilaatigut allappoq.