Tunumi uuliakuungaatsiartoqartoq: Misissueqqissaartut ikiortissarsiortut
Kalaallit Nunaanni Politiit Ittoqqortoormiit eqqaani annertuumik avatangiisinut aniatitsisoqarsimanera pillugu ullut marluk matuma siorna nalunaarfigineqarput.
Suliami uulia 22.000 liiteri kuussimasoq, pigaartut pisortaata, Preben Kleistip oqaatigaa.
Nukissiorfiit Ittoqqortoormiit kippasissortaani ajornartoornermi pilersuisua Qinngaaivata tungaaniittoq pineqarpoq.
- Nukissiorfiit uuliaasivianit uuliakoortoqarsimanera pillugu nalunaarfigineqarpugut. Qatserisartut aamma suliaqarnikuupput, Preben Kleist oqarpoq.
Politiit pinerluttoqarsimanissaanik pasisaqarnersut aperineqaramik pigaartup pisortaa ima akissuteqarpoq:
- Naamik, tassanngaanniit uuliakoortoqarnerani susoqarsimanersoq paaserusupparput.
Takunnissimasussarsiortut
Politiit susoqarsimanera iluamik suli ilisimanngilaat, taamaammat takunnissimasunit suliamik paasiniaanermi ikiuussinnaasunik ujartuipput.
- Uuliakoortoqarsimanera pissutigalugu susoqarsimanera paaserusupparput.
Suliamut atatillugu arlaannik ilisimasaqartoqaruni politiinut oqarasuaammut 701225-mut imaluunniit politeeqarfiliartoqarluni saaffiginnittoqarnissaa politiit kaammattuutigaat.
