Spaniami silarlorujussuarnerani inuit ikinnerpaamik pingasut ajunaartut

Spaniami siallerujussuarnerata anorersuarujussuarneratalu kiisalu qarsutsinerit kingorna inuit ikinnerpaamik pingasut ajunaarput pingasullu ujaarineqarlutik.

Spaniami oqartussaasut tusagassiorfiillu taama nalunaaruteqarput.

Spaniami nunap immikkoortuani Toledomi Spaniap qiterpasissuaniittumi anorersuarnerata kingorna inuit marluk ajunaarput.

Nunap immikkoortuani tassani angut kuup eqqaani toqungasoq nassaarineqartoq, politiit nalunaarput.

Spaniami illoqarfiup Bargasip eqqaani annaassiniartoqarnerani angut toqungasoq aamma nassaarineqarpoq.

Illoqarfimmi Casarrubios del Montemi angut annaassiniartartunit annaanniarneqartilluni aamma ajunaarpoq.

Madridip kitaani annaassiniartartut angummik maqaasineqartumik ujaasippput.

Taassuma biilii kuuk eqqaaniittoq qarsutsimmat kuugussaapput.

Angutip taassuma ernera qulinik ukiulik aamma biilinut ilaasoq orpimmiittoq ataasinngornermi nassaarineqarpoq.