Siriusip alapernaarsuiartortitai Ilulissani qimminik pissarsisut

Issittumi Sakkutooqarfik qimminik qimuttussanik naleqquttunik pissarsiumalluni uumasut nakorsaat peqatigalugu eqimattanik Ilulissanukartitsivoq.

Allattoq Ivalu Nivi Johansen

aggustip 14-at 2025 14:02

Nutserisoq Tabetha Kreutzmann

Siriusip alapernaarsuiartortitaasa qimminik amerlanerusunik pissarsinissartik qulakkeerpaat.

Ukiuni 75-ingajanni Siriusip alapernaarsuiartortitai Tunup avannaani namminneq qimminik qimuttoqarsimapput.

Maanna qimmit ilasariaqalerpaat, qimminillu pissarsiffiat pinngortitap eqqissisimatitap Siriusip alapernaarsuiffigisartagaata illuatungaaniippoq.

Isumaliutiginnilluareerluni qimmit toqqarneqartut

Alapernaarsuiartortitat ilaasa uumasunut nakorsartik peqatigalugu Tunup avannaani avatangiisit sakkortunerat akiorsinnaajumallugu qimminik Ilulissani isumaliutiginnilluareerlutik toqqaapput.

- Qimmit timikkut eqqarsartaatsikkullu peqqissuunissaat eqqarsaatigalugu toqqarpavut, Mads Skifte, illersornissaqarfimmi uumasunut nakorsaq, oqarpoq.

Qimmillu eqqarleriinnginnissaat qulakkeerniarlugu qimmit assigiinngitsunikpiginnittoqartut toqqarneqartut, uumasut nakorsaat oqarpoq.

Qimmit Daneborgimut apuutereermata ulluinnarisartaaminnut piareersarneqaleruttorput. Maanna qimmiutigineqartut soraarninngorsinnaaniassammata qimmit nutaat Issittup inoqajuitsuani alapernaarsuisussatut piareersimanissaannut pissutsinut sungiusaanissamik alapernaarsuisut suliakkerneqarsimapput.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.