Savimmik kapisisoqareernerata kingorna angut tigummigallarneqartoq
Arfininngormat unnukkut angut 37-nik ukiulik Ukkusissani savimmik kapineqarpoq. Pinerluttoq sassartinneqarlunilu tigummigallarneqarpoq.
Angut 56-inik ukiulik sapaatip-akunnerata naanerani savimmik kapinninnerup kingorna ulluni 28-ni tigummigallarneqarpoq.
Allattoq Nicole Sander Bertelsen
oktobarip 27-at 2025 07:59
Nutserisoq Tabetha Kreutzmann
Arfininngormat unnukkut angut 37-nik ukiulik Uummannap eqqaani nunaqarfimmi Ukkusissani angummit 56-inik ukiulimmit kapineqareerluni nakorsamit misissorneqarpoq.
Savimmik kapisineq arfininngornermi unnukkut nalunaaqutaq 17.18 nalunaarutigineqarpoq.
Pinerluttoq, arfininngormat politiit tikimmata tigusarineqartoq, ulluni 28-ni tigummigallarneqartoq, ataasinngornermi ullaakkut politiit sillimasuata Poul Kreutzmannip nalunaarutigaa.
Angut 37-nik ukiulik qasseriarluni kapineqarsimanersoq, angutillu taakku marluk imminnut ilisarisimanersut, politiit sillimasuata oqaatigisinnaanngilaa.
