Qaqortumi kigutileriffik ammaqqittoq
Qaqortumi innuttaasut kigutilerisunit suliarineqarnissaminnut periarfissarissaarnerulissapput.
Kigutileriffik inini nutaani ullumi ataasinngornermi apriilip 27-anni ammaqqippoq, taamaalillutik illoqarfimmi innutaasut kigutilerisunit suliarineqarnissaminnut periarfissarissaarnerulissapput
Kalaallit Nunaanni Peqqinnissaqarfik tusagassiuutinut nalunaarummi taama allappoq.
- Ininut allanut nuunnermut patsisaasoq pingaarneq tassaavoq kigutileriffiusimasoq arlaleriarluni imermik innalertarneqarsimammat,
Imermit ajoqusersimasut iluarsaannerisa nalaanni kigutileriffik matoqqagallartarsimavoq. Inilli nutaat atulerpata piffissap ilaanni matoqqasariaqarnissaa pisariaarutissaaq.
Taamaattumik naatsorsuutigineqarpoq aalaakaanerusumik siunissami ammasalernissaa innuttaasullu amerlanerit kigutileritissinnaalissallutik.
Kigutileriffittaaq skolevejimiittoq kikkunnit tamanit takuniarneqarsinnaasunngorlugu, nuna tamakkerlugu kigutigissarnermut maajip arfernanni ullorititaasumi ammatinneqassaaq.
