Politiit ullormut nalunaarutaat: Puut puukunik utertitassanik imallit KK Engrosimiit tillinneqartut

Nuummi umiarsualiviup eqqaani KK Engrosimi pingasunngornermi ullaassakkut tillinniartoqarpoq.

Puut puukunik utertitassanik imallit katillugit arfinillit tillinneqarsimapput, sillimasut pisortaat Jeppe Andsager paasissutissiivoq. 

-Suliaq misissorneqaleruttorpoq, misissugassaqarpugut soorlu sumiiffimmi nakkutilliissutit misissussavagut, Jeppe Andsager oqarpoq.  

Kalaallit Nunaanni Politiit tillinniarsimasut imminnut nalunaarutigeqquai.   

- Suliamut tunngatillugu takunnittoqarsimassappat tusarfigerusuppagut, Jeppe Andsager oqarpoq.  

Pingasunngormat ullaassakkut tallimat qeqqata missaanni tillinniartoqarpoq. 

Nunami ikuallanneq aserorterinerlu

Sisimiuni nuna siornatigut ikuallassimasoq ikuallaqqilerpoq.  

- Politiit qatserisartullu ikuallattumukarsimapput siaruaannissaanilli aarlerinartoqanngitsoq Jeppe Andsagerip oqaatigaa: 

- Ikuallatsitsoqarsimasinnaaneranik aamma takussutissaqanngilaq 

Sillimasut pisortaata oqarnera naapertorlugu ikuallanneq qamisarneqareerpoq.  

Taassuma saniatigut, Nuummi Glas og Rammep igalaavi aserorterneqarsimasut pingasunngormat ullaakkut nalunaarutigineqarpoq.

- Apuukkatta niviarsiaraq 17-inik ukiulik tigusaraarput aserorterisimasutullu pasineqarpoq, Jeppe Andsager oqarpoq.