Politiit ullormut nalunaarutaat: Pisut imigassamut aalakoornartulimmut attuumassuteqartut arlallit angerlarsimaffimmilu eqqissiviilliornerit

Kalaallit Nunaanni Politiit sineriak tamakkerlugu pisoqaqattaarnerani ulloq unnuarlu kingulleq ulappussimapput.

Allattoq Ann-Sophie Greve Møller

juunip 21-at 2025 15:37

Nutserisoq Karla Heilmann

Politiit ulapingaatsiarsimapput. Tassami nuna tamakkerlugu pisut imigassamut aalakoornartulimmut attuumassuteqartut arlallit, angerlarsimaffimmilu eqqissiviilliornerit ulloq unnuarlu kingulleq amerlasimaqaat. Taamak Kalaallit Nunaanni Politiit pigaartuisa pisortaat Aqqalu Petersen paasissutissiivoq.

- Ilaatigut nakuusersimasutut sioorasaarisimasutullu suliakkiissuteqarpugut, taanna oqarpoq.

Politiit imminut toqunnissamik sioorasaarutinik arlalinnik aamma nalunaarfigineqarput. Tamatuma saniatigut imminut toqoriaraluarnerit marluusut pigaartut pisortaat paasissutissiivoq. Imminut toquttarnerup kisitsisai qaffakkaluttuinnarneri qaammatini kingullerni aallunneqarpoq.

TUSAANNGA

Tusaannga

Kiserliorpit aamma oqaloqateqarnissannik pisariaqartitsivit?

Kisimiinngilatit. Piffissani inuunermi pisumiluunniit artornartorsiorfimmi, nammineq sapikkaminnik pisoqaraangat, inuit amerlanerpaat tusaaneqarnissartik pisariaqartittarpaat.

Tusarnaarnissamut piffissaqarpugut. Tusaanngap siunnersortai tusarnaartarput, unammilligassavillu oqaasertalernissaanut ikiorsinnaallutit. Aamma illit inuuninni pissutsit artornartut qanoq iliuuseqarfiginissaanut sakkussannik tunisinnaavaatsit.

Oqarasuaatikkut siunnersuisarneq tassaavoq kinaassutsimik isertuussilluni illit siunnersuisullu akornassinni inuttut oqaloqatigiinneq, tassani oqaloqatigiinnerup imaa illit aalajangissavat.

Meeqqat, inuusuttut inersimasullu tamarmik oqaloqateqarnissamik allaqateqarnissamilluunniit pisariaqartitsisut Tusaannga attavigisinnaavaat. Tusaanngamut attaveqarneq kinaassutsimik isertuussisinnaaffiuutigaluni akeqanngilaq – aamma Tusassit imaqanngikkaluarpalluunniit sianersinnaavutit allallutilluunniit.

Telefon: 80 11 80

SMS: 1899

Tigusiffik: Tusaannga