Miké Thomsen aamma Malu Lange inuiattut ullorsiornitsinni akissarsitinneqartut
Nipilersortartoq aamma isiginnaartitsisartoq Miké Thomsen arfininngornermi – nunatsinni inuiattut ullorsiornitsinni – Naalakkersuisuniit ukioq manna Kulturikkut nersornaaserneqarpoq. Tamatuma saniatigut assilissanik eqqumiitsuliortoq Malu Lange ukioq manna Kajumissaatitut nersornaaserneqarpoq. Taamak Naalakkersuisut tusagassiutinut nalunaarumminni allapput.
Nersornaatit Nuummi Katuami Kultureqarnermut Naalakkersuisumit Nivi Olsenimit (D) tunniunneqarput. Nersornaaserneqartut aningaasanik akissarsititsinneqarnerisa saniatigut oqaatsinik nuannersunik tunineqarput.
Nivi Olsenip Miké Thomsen ilaatigut “kulturikkut malunnaatilik inuunermut isumalioqqissaartumik“ taavaa.
- Nunatsinni eqqumiitsuliortut tamatigoortut amerlanngitsut ilagaat, tamanna nipilersornikkut isiginnaartitsisarnikkullu takutissimavaa. Isiginnaartitsisarfimmiissinnaaneq pilersitsinissamut kiffaanngissuseqarneq, unammillersinnaaneq, pisinnaanerlu imaannaanngitsuunngillat. Kiffaanngissuserlu taannarpiaq nersornaaserneqartussap eqqumiitsuliornikkut sammivigisimavaa, taanna oqaaseqaateqarpoq.
Malu Lange kajumissaasiinermik nersornaaserneqarpoq, taassuma “piviusorsiorpalaartumik eqqumiitsuliorneq” erinitsajuissuseqartariaqarpoq, teknikkikku pikkorissuusariaqarlunilu assilialiornermik annertuumik paasinnittaaseqartariaqarpoq. Taamak Nivi Olsen tusagassiutinut nalunaarummi oqaaseqaateqarpoq.
- Suliatit aqqutigalugit qaaqquatsigut silarsuarmut takunnissinnaaqqulluta, illit takunnittarnerit aqqutigalugu: eqqortumik mianerinnittumik immikkullu ersarissusilimmik. Tunissutaavoq, taamaammallu una kajumissaatitut nersornaat ilinnut tulluaffaarippoq.
