Norgep killeqarfini takornarianut Ruslandimeersunut matuniaraa
Ruslandip Ukrainemut saassussinera pissutaalluni Norgep killeqarfini russinut takornarianut maajip ulluisa 29-anni matussavaa.
- Norgep iligisani assigalugit Norgemut isersinnaanermut malittarisassat sukateriffiginiarlugit aalajangerpaa, Norgep inatsiseqarnermut upalungaarsimanermullu ministeria Emilie Enger Mehl tusagassiorfinnut nalunaarummi ilaatigut oqarpoq.
Allattoq Ritzau
maajip 23-at 2024 09:39
Nutserisoq Mads Lynge
Takornariat Ruslandimeersut Norgemut maajip ulluisa 29-annit takornariarsinnaajunnaassapput.
Norgemi nutaarsiassaqartitsivik NTB taama allaaserisaqarpoq.
Ruslandip inatsisaatsuliorluni Ukrainemi sorsunnera pissutaalluni Norgep killeqarfini russinut matuaa. Norgep inatsiseqarnermut upalungaarsimanermullu ministeria Emilie Enger Mehl, tusagassiorfinnut nalunaarummi taama oqarpoq.
- Norgep iligisani assigalugit Norgemut isersinnaanermut malittarisassat sukateriffiginiarlugit aalajangerpaa, taanna oqarpoq.
Immikkulli pisoqartillugu allatut aaqqissuussisoqarsinnaavoq.
Assersuutigalugu qanigisamut Norgemi najugalimmut tikeraarniaraanni, sulinermulluunniit ilinniarnermulluunniit tunngappat Norgemut isertoqarsinnaassaaq.
