Nanortaliup nunaqarfiisalu innuttaasui taasitinneqalersut

Nanortaliup nunaqarfiisalu Narsarmijit, Aappilattoq, Ammassivik Alluitsup Paallu innuttaasui Kommune Kujallermit aninissaq imaluunniit kommunip kujallermiiginnarnissaq pillugu septembarip aqqarnanni taasititsinneqassapput.

Kommune nittartakkamini taama allappoq.

- Septembarip aqqarnanni taasititsinerup inernera Naalakkersuinikkut suliaqartunut ingerlateqqinneqassaaq, inerneriumaagaa pillugu suleriaqqinnissamut kommunimiit aalajangiisinnaanavianngilagut, suliassarmi Inatsisartuni aaliangiiffigineqarluni suliarineqarumaarpoq. 

- Taamaattumik isumasiuititsilluni taasititsinissaq sioqqullugu innuttaasunut ataasimiititsinissatsinnut innuttaasut peqataalluarumaarnerat neriuutigaara, ilisimasassanimmi immersorneqarfiussaaq, apeqquteqartoqarsinnaassallunilu, borgmesteri Malene Vahl Rasmussen oqarpoq.

Innuttaasunut ataatsimiisitsinerit ulluni ukunani pissapput: Narsarmijini Aappilattunilu aggustip aqqarnganni, Nanortalimmi aqqaneq aappaanni, Tasiusami, Ammassivimmi Alluitsup Paamilu  aggustip 13-ianni.

Innuttaasut ataatsimiisinneqarnissaannut piffissarititaasut kingusinnerusukkut nalunaarutigineqassapput.