Kunngi Frederik nalliunnermini balkonngimit innuttaasunut ilassinnissasoq

Kunngi Frederik maajip 26-anni 57-iliiguni ilaquttani peqatigalugit Frederik VIII’s Palæp aneersuartarfianut anillakkuni innuttaasunit nalliuttorsiutigineqassaaq.

Tamanna nalunaaqutaq ullup-qeqqanut pissaaq.

Kunngikkormiut nittartakkaminni paasissutissiipput.

Kunngip anaanami dronning Margrethep aneersuartarfimmit aalaterisarnermik ileqqua ingerlateqqissavaa.

- Innuttaasut kunngip inuuissiorneranik Slotspladsimi nalliuttorsioqatiginninnissamut qaaqquneqarput. Tassunga atatillugu Den Kongelig Vigardemi nakkutilliisut nalunaaqutaq 12.00 nikinngitsiarneranni politiit takkuttunut najoqqutaqartitsinissamut atatillugu najuutissapput, kunngikkormiut allapput.

Kunngip inuuissiornissaanut atatillugu kunngimut qarasaasiatigut inuulluaqqussummik kunngikkormiut nittartagaatigut nassiussinissaq aamma periarfissaassaaq.

Kunngi kunnginngornerminit siullermeertumik siorna nalliuppoq.

/ritzau/