Kenneth Høegh Issittoq pillugu aallartitanngortoq

Issittoq pillugu ukiuni marlunni aallartitaqanngereersoq aamma Danmark nunarpullu tamatuminnga piffissami tasssani isumaqatigiinngereersut Naalakkersuisut innersuussutaat Kenneth Høegh aallartitassatut ippassaq toqqagaavoq.

Allattoq Markus Valentin

apriilip 11-at 2025 14:27

Nutserisoq Connie Fontain

Issittoq pillugu aallartitatut atuuffik 2023-mili inuttaqanngilaq. Naalakkersuisulli kina atuuffimmi pingaaruteqartumiilissanersoq maanna aalajangerpaat.

Nunatsinnit kissaatigineqartuartoq – tassa atuuffiup kalaallimik inuttaqarnissaa taamaalilluni eqquutsinneqarpoq.

Kalaallit Washingtonimi sinniisoqarfiani pisortatut maannamut atuussimasoq Kenneth Høegh atuuffimmut tassunga toqqarneqarpoq.

Kenneth Høegh Washintonimukannginnermi Nunanut allanut naalakkersuisoqarfimmi pisortaavoq. Tassani 2018-imit 2021-mut USA-mukarnissi tikillugu atuulluni. Maannali tassa Issittoq pillugu aallartitatut angerlaqqittussanngorpoq.

ISSITTOQ PILLUGU AALLARTITAQ SULERISUUA?

Issittoq pillugu aallartitaq Danmarkip nunanut allanut mintereqarfiani Københavnimiittumi allaffeqarpoq, taannalu ministereqarfiup Issittoq aamma Amerika Avannarleq pillugit immikkoortuata pisortaatut atorfeqarpoq.

Taanna Kunngeqarfiup, Savalimmiut Kalaallit Nunaata ataatsimoorussamik nunanut allanut politikkiannik taavalu USA-mik Canadamillu suleqateqarnermik aamma ataqatigiissaarisuuvoq.

Aamma Naalagaaffeqatigiit sinniisuuffigalugit atorfillit Issittumi Siunnersoqatigiillu ataatsimiinneranni peqataasarpoq.

Issittoq pillugu 2012-ip 2023-llu akornanni aallartitaasut ukuupput:

Klavs A. Holm (2012 - 2013)

Erik Vilstrup Lorenzen (2013 - 2016)

Hanne Fugl Eskjær (2016 - 2019)

Thomas Winkler (2019 - 2023)

2023?

Allisiguk

Siusinnerusukkut toqqaanerit isumaqatigiinngissutaasimasut

Danskit naalakkersuisuisa Afrikap kujataani aallartitaasimasoq, Tobias Elling atuuffimmut tassunga 2023-mi toqqarpaat. Tamanna naalakkersuisut naammagisimaarinninngilluinnarnerannik pilersitsivoq, taakkulu aalajangerneq Danmarkimi Nunanut allanut ministereqarfimmit – kalaallinit peqataatitsisoqarani illuinnarsiortumik toqqaasimaneraapput.

Folketingimut ilaasortap, Aaja Chemnitzip (IA) aalajangerneq "nunasiaateqarniartutut pissusilersuuteqarnertut" taavaa, naalakkersuisullu atuuffiup kalaallimit inuttalerneqartalernissaa piumasaqaatigaat.

Aamma atuarukLøkke: Kalaallit Nunaat Issittumut aallartitamik toqqaaqataassanngilaq

Kissaat taanna Kenneth Høeghip toqqarneratigut maanna piviusunngortinneqarpoq.

Aallartitanngortitsineq Katuami pisoq

Pisortatigoortumik aallartitanngortitsineq kulturikkut illorsuarmi Katuami tallimanngornermi ualikkut pivoq.

Nunanut allanut naalakkersuisoq Vivian Motzfeldt ilaatigut oqarpoq:

- Kenneth Høegh aallartitatut ilisaritisssinnaagakku nuannaarpunga. Kujaataaneersuuvoq taavalu qaffasisssumik atorfiliulluni naalakkersuisunillu piginnaaneqartitaalluni aallartitaasartuvoq misilittalik aataqqineqartorlu. Katersuutitsisartuuvoq, issittumik ilisimaarinnillluartoq, piffinni makkunani unamminartorsiorfiusuni pingaaruteqarttuusumik. Ullumi makkunani ataatsimoortitsineq pingaarpoq.

Aallartitaq oqaaseqartarfimmut pigami oqarpoq:

- Aallartitaqarfimmiit aaqqiissutissamik siorna nassaarpugut, tamarmillu nuannaarutigaat, taanna oqarpoq.

Ilanngutassiaq nutarterneqarpoq...

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.