Inip inissiaataanut ukiorpassuarni utaqqisariaqartut

Ukiut 23-t. Nuummi Inip inissiaataanut taama sivisutigisumik utaqqisoqartariaqarpoq.

Allattoq Martine Lind Krebs, Simon Uldum

juunip 26-at 2014 07:47

Inimi attaveqaqatigiinnermut pisortaq, Else Løvstrøm, AG-mut sapaatit-akunnerani uani saqqummersimi taama oqarpoq.

Ukiorpassuarni utaqqisariaqarneq inissiat attartortittakkat qassit siorna tunniunneqarsimanersut aallaavigalugit naatsorneqarsimavoq. Nuummi Ini aqqutigalugu initaarniarlutik utaqqisut maannakkorpiaq 1430-upput, siornalu initaartut 61-iinnaallutik.

Utaqqisut allattorsimaffiannut tunngatillugu sorpassuit apeqqutaasartut attaveqaqatigiinnermut pisortap erseqqissaatigaa. Inissianik nutarterisoqarneratigut utaqqisut allattorsimaffianiittut ikilisarneqarsinnaapput, initaarniartullu amerlatsinnerisigut utaqqinissaq sivitsorneqassalluni.

Ini inissiat attartartortittakkat saniatigut aamma isumaginninnikkut inissianik 16-inik pigisaqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.