Politiit ullormut nalunaarutaat: Ilulissani nakuusertoqartoq Nanortalimmilu biilertumik ajutoortoqartoq

Ulloq unnuarlu qaangiuttoq imigassartornermut attuumassutilinnik pisoqarfiuvoq. Kalaallit Nunaanni Politiit, suliani unnuaq pisuni eqqaaneqartut aappaanni, pisunik takunnissimasunit attavigineqarusupput.

Allattoq Birgitte Kjeldsen

decembarip 20-at 2025 11:40

Nutserisoq Medea Olsen

Ilulissani imerniartarfiup Naleqqap silataani nakuusertoqarneranik Kalaallit Nunaanni Politiit unnuaq nalunaaqutaq 02.55 kalerrinneqarput.

Tassani inuit arlallit inummik ataatsimik kattussipput.

Kalaallit Nunaanni Politiit sillimasut pisortaat Jørgen Madsen KNR-imut taama oqarpoq.

- Suliami pasisaqarpugut, kisianni takunnissimasunit attavigineqarusuppugut, taanna oqarpoq.

Aamma atuarukPolitiit 100-nit amerlanerusunit ullormi kingullermi nalunaaruteqarfigineqartut

Ilulissani pisoq eqqaassanngikkaanni, Nanortalimmi politiit biilinik ajutoorfimmut ullaassakkut orniguttariaqarsimapput.

Politiit ajutoortoqarsimaneranik nalunaaqutaq 03.50 nalunaarfigineqarput. Aquttoq imigassartorsimalluni biilersimasutut unnerluutigineqarpoq.

- Qujanartumik inunnik annerusumik ajoqusertoqanngilaq, Kalaallit Nunaanni Politiit sillimasut pisortaat oqarpoq.

Naleqqamiissimaguit Ilulissani unnuaq nakuusernerlu pillugu paasissutissaateqaruit, politiit 70 14 48-mut sianerfigisinnaavatit.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.