Emmanuel Macron Nuummut tikeqqammerluinnartoq
Franskit præsidentiat, Emmanuel Macron Nuummut tikeqqammerluinnarpoq.
Taanna pisortatigoortumik tikeraarpoq, tikeraarneranilu danskit ministeriunerat, Mette Frederiksen (S) aamma peqataassaaq. Naalakkersuisut siulittaasuisa taakku marluk Naalakkersuisut siulittaasuat, Jens-Frederik Nielsen (D) ataatsimeeqatigissavaat.
Taakku pingasuullutik Utoqqarmiut Kangerluarsunnguanukassapput, ullorlu naggaserlugu Nuummi ualimut tusagassiortunut katersortitsisoqassalluni, tamatumalu kingorna Emmanuel Macron nunatsinnit aallaqqissaaq.
Frankrigip tapersersuinini takutikkaa
Amerikamiut præsidentiata, Donald Trumpip 'nunamini nunallu tamalaat akornanni sillimaniarneq' pissutigalugu nunatsinnik aqutsilerusulluni arlaleriarluni oqaaseqarnerata kingunerisaanik taama tikeraartoqarpoq.
USA-lli nunatsinnik aqutsilernissaa kalaallinit danskinillu arlaleriarlugu itigartitsissutigineqarpoq, Frankrigillu tapersersuinini arlaleriarluni takutippaa, taamatullu Danmarkip USA-mit tatisimanninneq akiorniarlugu piumappagu sakkutuunik nunatsinnut nassiussinissani piareersimaffigalugu oqaatigaa.
Franskit præsidentiat unnugu aatsaat aallaqqissangatinneqarpoq.
