Danmark timmisartunik marlunnik Issittup imartaani aqqartartunik alapernaarsuisussanik pisivoq
Danmarkip timmisartut marluk pisiai P-8A Poseidon Issittup imartaani Atlantikullu Avannaata imartaani alapernaarsuutaassapput
Illersornissaqarfiup pisortaa Michael Wiggers Hyldgaard (saamerleq) illersornissamullu ministeri Jeppe Bruus (talerperleq.).
Allattoq Ritzau
juulip 07-at 2026 08:12
Nutserisoq Brian Jensen
Danmark Issittumi umiarsuarnik aqqartartunik malersuillaqqinnerulissaaq.
Taamaattumik Issittumi Atlantikullu avannaani sakkutooqarnerulersinniarlugu timmisartunik imarsiornermik nakkutilliisussanik P-8A Poseidoniniik marlunnik pisisoqassaaq.
Taama illersornissamut ministeri Jeppe Bruus (S) tusagassiuutinut nalunaarummi ilisimatitsivoq.
- Kalaallit Nunaanni naalakkersuisut qanimut suleqatigalugit illersornissaqarfiup sakkutooqarnini ukiuni kingullerni pitsanngorsarpaa, timmisartullu imarsiortut nakkutilliisut atorlugit Danmarkip nunap immikkoortuani oqartussaassutsiminik atuisinnaanera nakkutilliisinnaaneralu malunnaatilimmik pitsanngorsarneqassaaq.
- Sakkussiaatinik pisineq Natomi ataatsimut suliassatta pimoorunneqarneranut ersiutaavoq, Jeppe Bruus oqarpoq.
Illersornissamut ministeriaqarfiup ilisimatitsinera naapertorlugu timmisartut taakku “timmisartuupput nutaaliaasut umiarsuarnut aqqartartunut akiuussinnaassuseqartut”, sakkutuullu imarsiortut akeqqat umiarsuaannik takunnissinnaanerulissapput akiuussinnaanerulerlutillu.
Taamaalillutik danskit sakkutuui Issittumi Atlantikullu avannaani iliuuseqarnissamut periarfissaqarnerulissapput, Jeppe Bruus oqarpoq; nangillunilu:
-Kunngeqarfiup immikkoortui tamaasa, aamma issittoq Atlantikullu avannaa illersorsinnaasariaqarpagut.
- Natomut ataatsimoorluta illersornissaq pillugu pisussaaffeqarpugut, minnerunngitsumik aqqartartunik akiuinermut peqataanissamut tunngatillugu, Jeppe Bruus oqarpoq.
Illersornissaqarfiup pisortaa Michael Wiggers Hyldgaardip oqarnera naapertorlugu timmisartut P-8-t marluk taakku illersornissamut sakkutuunut “ungasinnerusuni” malinnaaniarnermi nakkutilliiniarnermilu iluaqutaassapput.
-Tamanna pissutigalugu pissutsit pillugit paasinnilluarnerulissaagut, Illersornissaqarfiup pisortaa oqarpoq.
Illersornissamut ministereqarfimmeersut ilisimatitsissutaat naapertorlugit nunat qanimut suleqatigineqartut arlallit timmisartunik P-8A Poseidoninik imaatigut nakkutilliinermi siornaaniilli atuisarput.
Periarfissarsiorneq suleqatissarsiornerlu
Illersornissaqarfiup pisortaa Michael Wiggers Hyldgaard naapertorlugu timmisartut P-8-t marluk taakku illersornissamut sakkutuunut “ungasinnerusuni” malinnaaniarnermi nakkutilliiniarnermilu iluaqutaassapput.
-Tamanna pissutigalugu pissutsit pillugit paasinnilluarnerulissaagut, Illersornissaqarfiup pisortaa oqarpoq.
Illersornissamut ministereqarfimmeersut naapertorlugu nunat qanimut suleqatigineqartut arlallit timmisartunik P-8A Poseidoninik imaatigut nakkutilliinermi siornaaniilli atuisarput
Tamanna tunngavigalugu sakkutuut naalagaat maanna timmisartut taakku pillugit Natomi suleqatissarsiorpoq.
Tamanna tunngavigalugu sakkutuut naalagaat maanna timmisartut taakku pillugit Natomi suleqatissarsiorpoq.
Illersornissamut ministeriaqarfik naapertorlugu, nunat assigiinngitsuneersut timmisartoqarfimmi ataatsimi ilaatigut suleqatigiissinnaalissapput.
Tassanngaanniit Danmarkip Natomilu nunat allat atortussanik pisinermi, atuutilersitsinissaq, ingerlatsineq, aserfallatsaaliineq sungiusaanerlu pillugit suleqatigiilissapput.
Ritzau
