Nato-p pisortaa ataatsimeersuarnissaq sioqqullugu: Europap Canadallu illersornissamut 4 procentit atorpaat
Natop generalsekretæriata Mark Ruttep Nato-p Ankarami ataatsimeersuartitsinissaa sioqqullugu tusagassiuutinik katersortitsinermi oqaatigaa.
- Ukiuni arlalinni aningaasaliinikinnerup kingorna Europa Canadalu illersornissamut aningaasaliisarnermikkut USA-p aningaasaliissutigisartagaanut angummakkiartorput, Mark Rutte taama oqarpoq.
Taamaalilluni Ruttep isornartorsiuinermi tusaaneqarnera pillugu USA-p præsidentianut Donald Trumpimut ataatsimeersuarnissaq sioqqullugu oqariartuuteqarpoq.
Illersornissamut aningaasaliinerit nutaat
Nunat Nato-mi ilaasortat Haagimi siorna ataatsimeersuarneranni katillugit bnp-p 5 procentii 2035-mi illersornissamut aningaasaliissutigineqartussatut isumaqatigiissutigineqarnerisa kingorna nalunaarutigineqarpoq.
Tassannga 3,5 procentii illersornissamut toqqaannaq aningaasaliissutigineqassapput, 1,5 procentiilu assersuutigalugu qarasaasiatigut isumannaallisaanermut atorneqassallutik.
Danmark Nato-mi ilaasortat akornanni sukkanerpaamik angummatissagatinneqartut ilaanniippoq. Naalakkersuisut Danmarkip toqqaannaq 3,5 procentinik illersornissamut toqqaannaq ukioq manna aningaasaliisalernissaa naatsorsuutigaat.
Nnunat Nato-mi ilaasortat suli aningaasaliinikitsut Donald Trumpimit ataatsimeersuarnermi isornartorsiorneqarnissaat naatsorsuutigineqarpoq. Spania Albanialu ilaatigut pineqarput.
Ruttep nunat Nato-mi ilaasortat anguniakkamik naammassinninnissaat kissaatigigini tusagassiortunik katersortitsinermi oqaatigaa.
- Ataaseq marlulluunniit isumaqataalersinneqassappata assigiinngitsunik iliuusissaqarpugut (ways to do that, aaqq.) Mark Rutte taama oqarpoq.
Ruttep Donald Trumpi præsidentip illorsuani ataatsimeersuarnissaq sioqqullugu pulaarnermi nalaani isumaanik allanngortitsiniaavoq.
Tassani Ruttep annertuumik allanngortoqarsimaneranik maannalu Nato-mi nukittunerusumi Europap nukittunerulernera pillugu Trumpimut uppernarsaalluni.
- USA-p præsidentia Donald Trump naapeqatigilluarpara, tassani Europap Canadallu illersornissamut aningaasaleerujussarnerat pillugu eqqartueqatigiippugut, Mark Rutte taama oqarpoq.
Trumpimik nersualaarinninneq
Aamma Trumpip nersualaarnissaanut periarfissaqarsimavoq, naak nunat Nato-mut ilaasortaasut akornanni toqqissisimajunnaartitsisimagaluartoq ilaatigut nunatta pigilernissaanik Irakimilu sorsunnissamik piumasaqaateqarnermigut.
- Trump Eisenhowerip kingorna præsidentini siulliulluni Europami nunat USA-tut annertutigisumik aningaasaliisalersippai, Mark Rutte taama oqarpoq.
1951-imili Nato-p taamani Supreme Allied Commander Europep USA-mi præsidentinngortumut Dwight D. Eisenhowerimut USA ukiut qulit sinnerlugit Europami sakkutooqassagaluarpat Nato-p suliniutaata iluatsinngitsoornissaa mianersoqqussutigaa.
Trumpip USA-mi præsidentinngornermini Sorsunnersuup Aappaata kingorna ukiut 80-it sinnerlugit qaangiuttut Europamut naammagittaannarsinnaajunnaarnertik isertuussimanngilaa.
/ Ritzau
