Borgmesterit nunaqarfinni ilungersuutit pillugit isumaqatigiittut

Nunatsinni kommunini borgmesterit Katuami Future Greenlandertoqarnerani oqallitsitsinermi pingasunngornermi ataatsimiipput.

Torben M. Andersenip, Kalaallit Nunaanni Aningaasaqarnermut Siunnersuisoqatigiit siulittaasuata, nunaqarfinni ilungersuutigineqartartut pillugit oqareertorlu eqqartoreermagit oqallinneq aallartippoq.

Taassumap 'annikitsumik ingerlatsinermi akornuteqartitsinerakkani' maluginiaqquai. Innuttaasut amerlasuut illoqarfinnut anginerusunut, soorlu Nuummut nutsertuarput.

Siulittaasup nuna tamakkerlugu assigiimmik neqerooruteqarsinnaaneq piviusorsiornerunngitsoq.

- Assigiinngissuteqassaaq, taanna oqarpoq. Uanili najukkani mikinerusuni ’piviusorsiorpalaartumik qanoq piumasaqartoqarsinnaanera' pineqarnerugunarpoq.

Lars Erik Gabrielsen (S), Avannaata Kommuniani borgmesteri, nunaqarfiit aningaasatigut nalingat taamaallaat isiginiarneqassanngitsoq isumaqarpoq.  Assi © : KNR / Markus Valentin

Najukkanili tamani inuuniarnikkut atugassarititaasut akuersaarneqarsinnaasut inuuniarnermilu periarfissat naammaginartut' qulakkeerniarneqarsinnaapput. Tamakkuli isumagineqarnissaat politikerit akisussaaffigaat, taanna oqarpoq.

Nunaqarfiilli ataavartumik napasinnaanersut apeqqutaanerpaavoq.

- Apeqqut akiuminaatsuuvoq, taanna oqarpoq.

'Piviusormi erloqinartoq' tassaavoq 'nunasisarnerup ataavartuunnginnera', Torben M. Andersen naqissusiivoq.

Borgmesterit nunaqarfiit illersoraat

Borgmesterit isumaqatigiissutigaat ajornartorujussuusoqnunaqarfiit aningaasartuutigisatik namminneerlutik matussusersinnaassallugit, amigartooruteqaratik.

Nunaqarfiilli ataatsimut isigalugit matuneqannginnissaat tamarmik isumaqatigiissutigaat.

- Kinguaariinni arlalinni tassani najugaqareerput. Sooq aningaasaqarniarneq kisiat eqqarsaatigineqassava, Avannaata Kommuniani borgmesteri Lars Erik Gabrielsen (S) oqarpoq.

Avaaraq Olsen (IA), Kommuneqarfik Sermersuumi borgmesterip - avannaani suleqatimisulli - nunaqarfiit matuneqannginnissaat pineqartillugu aningaasaqarneq kisiat eqqartorneqartassanngitsoq pingaartippaa.   Assi © : KNR / Markus Valentin

Tamannalu ataatsimiinnermi peqataasunit amerlanernit taperserneqarpoq.

- Isumaqataavunga. Aningaasatigut imminut akilersinnaaneq kisiat eqqartorneqassanngilaq, Kommuneqarfik Sermersuumi borgmesteri Avaaraq Olsen (IA) oqarpoq:

- Sumiiffiit tamarmik assigiinngitsuupput assigiinngitsunillu periarfissaqarfiullutik.

Illuliornissamut tapersiinerit

Malene Vahl Rasmussen (D), Kommune Kujallermi borgmesteriusoq, isumaqarpoq kommunip nammineerluni ilaatigut nunaqarfinni illuliornissamut aningaasartuutit attassinnaanngikkai.

Nunaqarfinni illoqarfinnilu illut nalinginnaasumik ajornartorsiutaapput.

- Aningaaserivinnit tapersersorneqartariaqarput. Kommuninit naalakkersuisuniillu kisitta aningaasaliisinnaanngilagut, Malene Vahl Rasmussen oqarpoq.

- Kujataani inuit ilaat tunniutiinnarlutik nuuttariaqartut ukiuni kingullerni takusarpagut. Pissutsilli qujanartumik allanngoriartorput.

Malene Vahl Rasmussenip (D), Kommune Kujallermi borgmesterip, nunaqarfinni inissialiornerup ilungersunartuunera eqqartorpaa. Naak Kujataanit nuutsertoqartaraluartoq, tamakku pissutsit allanngoriartorsorai.  Assi © : Kommune Kujalleq

Nunatsinni borgmesterit sisamat kommunini suut pingaarnertut suliassaanersut oqaluttuarimmassuk ajornartorsiutit assigiinngitsut eqqaavaat.

Ineqarniarnermili  ilungersuuteqartuarneq borgmesterit tamarmik eqqaavaat.

- (Kommunitut uagutsinnut, aaqq.) pingaarnerpaaq tassaavoq ineqarnermut atukkat pitsanngorsarnissaat, Kommuneqarfik Sermersuumi borgmesteri, Avaaraq Olsen (IA) oqarpoq.

Taassuma illoqarfiit mikinerusut nunaqarfiillu inissaaleqiffiunerat arlaleriarluni oqaatigaa:

- Illoqarfinnut mikinernut aningaasaliisarpugut sanaartortussaqanngilarli.

Sulineq ilinniagaqarnerlu

Simigaq Heilmannip (D), Kommune Qeqertalimmi borgmesterip sulisinnaasut ukkatarivai.   Aasianni pissutsit suliffissanik qulakkeerinninnissamut tassani assersuusiarai.  Assi © : KNR / Markus Valentin

Kommune Qeqertalimmi borgmesterip Simigaq Heilmannip (D)  illoqarfinni mikinerusuni suliffeqarnissamut periarfissat isiginiarneqarnissaat aamma pingaaruteqarsoraa:

- Aasianni inuit ernumasut maluginiarpakka. Susoqassanersoq tunisassiorfiallu suneqarniarnersoq naluaat, taanna oqarpoq:

- Suliffissaqartitsinissaq qulakkeerusupparput.

Lars Erik Gabrielsenip (S) ilinniartitaaneq ilungersunarnerpaat ilaattut taavaa.

- (Kommunitsinni, aaqq.) inuttaasorpassuaqarpugut meeqqat atuarfianni naammassigaangamik ilinniagaqaqqinneq ajortunik, taanna oqarpoq:

- Tamanna ukkatarissallugu pingaaruteqarpoq.