Angut sinersortaammukariartortoq hashimik nassataqartoq tigusarineqartoq

Politiit angut hashimik kiilu sinnerlugu oqimaassusilimmik nassataqartoq tallimanngornermi tigusaraat.

Allattoq Ann-Sophie Greve Møller

decembarip 07-at 2025 10:58

Nutserisoq Connie Fontain

Angut hashimik nassataqartoq tallimanngornermi unnukkut tigusarineqarpoq. Kalaallit Nunaanni Politiit paasissutissiipput.

- Politiit inummik hashimik 1 kiilu sinnerlugu tigummiaqartumik sinersortaammukariartortumik tallimanngornermi unnukkut nalunaaqutaq 19:30 tigusarinnipput, Kalaallit Nunaanni Politiit sillimasuisa pisortaat, Malik Olesen oqarpoq.

Aamma atuarukPolitiit 100-nit amerlanerusunit ullormi kingullermi nalunaaruteqarfigineqartut

Politiit misissueqqissaarnerat erngertumik pineqaatissiisoqarnissaanik arfininngornermi nalunaaqutaq ataatsimut eqqartuussisoqarneranik kinguneqarpoq. Angut piumasaqaatitaqanngitsumik qaammatini tallimani pineqaatissinneqarsimasunut inissiisarfimmiittussanngortinneqarpoq.

Angut eqqartuussinerup kingorna iperarneqarpoq, pillaatissamili atornissaanut kingusinnerusukkut aggersarneqarumaartoq, politiit paasissutissiissutigaat.

Suliaq akitsuuserisut suleqatigalugit suliarineqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.