Ulloq unnuarlu nalunaarusiaq: Angut Nuup mittarfiani qaartartumeeriniarluni sioorasaarisoq
Angut qaartartumeeriniarluni ippassaq ualikkut Nuup mittarfianukarpoq. Politiit maannakkut misissuipput, paasissutissalli annikitsuinnaapput.
Allattoq Nicole Sander Bertelsen
marsip 17-at 2026 08:06
Nutserisoq Tabetha Kreutzmann
Angutip qaartartumeerinissamik sioorasaareqqammernerani politiit ataasinngornermi ualikkut nalunaaqutaq sisamat qiteqqullugu Nuummi mittarfimmukaqquneqarput.
- Qaartartumeerinissamik sioorasaarisoqartoqarneranik nalunaaruteqartoqartillugu aalajangersimasumik periaaseqartarpugut, tamannalu pimoorullugu iliuuseqarfigisarparput, politiini sillimasoq Aqqalu Petersen oqarpoq.
Qaartartumeeriniarluni nalunaaruteqarnerup inerteqqutaanera, angutillu - matumani pineqartup - eqqartuussivimmi unnerluutigineqarsinnaanera politiit sillimasuisa erseqqissarpaa.
Angutip oqaasii sumik tunngaveqarnersut taassumalu maanna sumiinnera politiit sillimasuisa oqaatigisinnaanngilaa, politiilli misissuinerat suli ingerlasoq oqarpoq.
