Naqisimaneqarani oqaaseqarsinnaatitaanerup aamma nakkutilliinerup sianigeqqissaarnissaat pingaartitaraarput. Taamaattumik isummersorneq ammasuuneroqqullugu sunnerumanagulu KNR sapinngisamik isummersorfimmi akuleruttassanngilaq isummersuutilluunniit peertassanagit.

KNR-ip internettimi quppernerini isummersornerni isummat atuisartut-uku isumaat KNR-ip isumaatullu isigineqassanngillat.

Isummersornermi ileqqorissaarnissamut tunngasunik malitassaqarpugut, tamannali isumaqatigiinngissutinut atuutinngilaq. 

KNR-ip imarisaanut isummersorniaraanni najoqqutassat ataani allassimasut akuereqqaarneqassapput:

Isummersorfimmi allanneqartut inatsisinut atuuttunut akerliusut KNR-ip toqqaannartumik toqqaannartuunngikkaluamilluunnit paasiguniuk pisussaatitaanngikkaluarluni qaqugukkulluunniit ilaatikkunnaarsinnaavai, imaluunniit:

• Ilanngunneqartut sioorasaarutitaqarpata allanilluunniit uumisaarutitaqarpata
• Ilanngunneqartut immikkoortitsinermik, ajuallatsitsinermik imaluunniit upperisaq, arnaaneq/angutaaneq, sumiuussuseq atoqateqartarnerluunniit pillugit assuarinninnermik imaqarpata
• Oqarasuaatit normuinik, e-mailinik atinilluunniit tunniussisoqarpat
• Ilanngussami tamarmi NILLIASOQARPAT (angisuuinnarnik allattarneq) assingusunilluunniit ilusilersugaappat
• Pilerisaarisoqarpat
• Ilanngussat ima sakkortutigisillugit allaat ilaatikkunnaarneqarnissaat KNR-ip eqqortuusorippagu

KNR uunga attavigineqarsinnaavoq knr.gl/knr-saaffigiuk 

Ilutigitillugu torersumik inussiarnersumillu ilanngussaqartarnissaq kaammattuutigissavarput.

Peqataalluarisi isummersorluarisilu!

KNR.gl