"Students on ice" aallartippoq

Ilinniartut, ilisimatusartut inuillu nuimasut Students on ice-mi naapeqatigiittarnerat ileqquulersimavoq kusarnartoq. Ukiorlumi manna tamanna ingerlanneqaqqimmat nunatsinneersunik ileqqumisut peqataasoqaqqippoq, tamakkununngalu Maria Suersaq, Qaanaarmiuusoq akuuvoq. Taassuma ulluinnarni Aasianni ilinniartuusup peqataanissaa WWF-imit aningaasaliiffigineqarpoq.
Allattoq Peter Troelsen, Knud Reimer
juulip 17-at 2013 10:19

Peqataasussat juulip 14-iani Canadap ilaani Ottawami naapeqatigeeqqaarput, imminnullu ilikkarnerulaarsimassagunarlutik Kangerlussuarmut ullumi apuullutik Tamatuma kingorna Kangerlussuarmiit umiarsuarlutik Sisimiunut, Aasiannut, Ilulissanut Uummannamullu angalaaqqaariarlutik akilinermut Qeqertaalummut ikaassapput, Resolute Bay-imilu umiarsuarmit nioriarlutik Ottawamut timmisartuunneqassapput, tassanilu juulip 28-iani naggataarnersioqatigiinnermik naggaserneqassalluni.

Students on ice-imi peqataasut, tassa inuusussut ilinniartut ilisimatuut issittumilu nuimasut, ilaatigut Inuit Tapiriit Kanatami præsidentiusimasoq Mary Simon, kiisalu Duane Smith ICC-p Canadami præsidentia akuupput.

Students on ice, maani knr.gl-imi qaammatip naanissaata tungaanut aamma illit malinnaavigisinnaavatit. og læs meget mere om Students om ice på: http://www.studentsonice.com/arctic2013/

 

 

 

 

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq