Saammasseqatigiinnissamut isumalioqatigiissitamut ilaasortanngunngitsoortut aamma peqataatinneqassapput
Arfinillit ilaasortassatut toqqarneqarput, sinnerilu suliamut aamma peqataatinneqassapput.
- Isumalioqatigiissitami ilaasortassatut piukkunnartut, soqutiginnittut aamma soorunami piukkunnartut arlalissuusimapput. Toqqaaniarneq piuminartuinnaasimanavianngilaq, ilarpassuisali piginnaasaat atorluarneqassapput, allaffimmi pisortaq Mari Hardenberg KNR-imut oqarpoq.
AAMMA ATUARUK Saammateqatigiinissamut Isumalioqatigiissitaq piviusunnguleqaaq
Taanna saammaasseqatigiinnissamut isumalioqatigiissitap allattoarfiani atorfeqarpoq suliallu aallartinnissaanut qilanaarnerarpoq.
- Isumalioqatigiisitap, aggustimi naapeqqaarunik, suliassaminik aallartitsinissaanut qilanaaqaagut. Saammaasseqatigiinnissamut isumalioqatigiissitat saammaateqatigiinniarluni maani kalaallit nuaannit iliuusissanik aallarnissaq ilusilersussallugu akisussaaffeqarpoq, Mari Hardenberg oqarpoq.
Saammaasseqatigiinnissamut isumalioqatigiissitaq aningaasanut inatsisikkut aningaasalersugaavoq, sulinissanullu 2014-imi ukiunilu tullerni pingasuni ukiumut 2,4 millionit koruunit aningaasaliissutigineqarsimallutik.