Raajat pillugit ataatsimiipput

Pinngortitaleriffik, Atlantikup Avannaata Kitaani Aalisarneq Pillugu Siunnersuisartoqatigiit NAFO aamma Imavinni misissuinerit pillugit nunat tamalaat siunnersuisartoqatigiiffianni ICES-imi ilisimatuussutsikkut siunnersuisoqatigiit ukiumoortumik ataatsimiinnerannut ulluni makkunani aaqqissuisuuvoq.

Ilisimatusartut taakku Atlantikup avannaani Canadallu kangimut sineriaani raajanik pisassiisarnernut siunnersuisarnissat aappaagumoortut ataatsimiinnermi piareersassavaat. Nunatta kitaata sineriaani raajanik aappaagumut pisassiinissat pillugit Naalakkersuisut tunuliaqutassaannik aamma piareersaassapput.

Kitaani raajaqassuseq pillugu kisitsisit qarasaasiamut immiunneqartarput, raajat amerlassusaat, pisaat saarulliillu raajanik nerisaqassusiat qarasaasiamut immiunneqartarlutik.

Kisitsisit qarasaasiamut immiunneqarsimasut immikkut ilisimasalimmit nalilerneqartarput, paasissutissat Kalaallit Nunaata pisariaqartitai taamaalinikkut paasineqartarlutik.

Paasissutissalli siunnersuisartoqatigiinnit akuerineqaqqaartartussaapput avammullu kingorna aatsaat saqqummiunneqartassallutik, Pinngortitaleriffik allappoq.