Qaqortumi toqutsisoqarpoq
Angut sakissamigut uummatimi nalaatigut savimmik kapineqarsimavoq, kingornatigut toqqutigisaminik. Toqutsinermi sakkugineqartoq politiit paarivaat. Arnaq arfininngormat ullaap tungaani eqqartuussivimmut sassartinneqartoq maanna ulluni 26-ini paarigallagassanngortinneqartoq, Bent Ole Kleist, Kujataata politiivineersoq paasissutissiivoq.
Aappariit alianartumik pisoqarnera sioqqullugu oqqassimapput, pisullu nalaani marluullutik aalakoorlutik.
Arfininngornerup sapaatillu akornanni unnuakkut nal 01.38 Qaqortumi politiit qatserisartullu Qaavani blok 5-imi ikuallattoqarneranut aggersarneqarput, inissiat ilaanni ikuallattoqarpoq ikuallanneralu annertuumik pujuliorluni.
Najugaqartut tamaasa pisup nalaani inigisartik qimareersimavaat. Najuaqartut eqqaamiuilu qimagussortinneqarput INI a/s-imiillu allamut inissikkallarneqarlutik. Inissiap isersimaartarfia nunguilluni ikuallassimavoq inillu allat putsumik sakkortuumik ajoquserneqarsimallutik. Ikuallanneq qanoq pilersimanersoq maanna paasiniaaffigineqarpoq.
Politiittaaq qaammatip naaneranut atatillugu ulapaarsimapput, angerlarsimaffinni aqqusinermilu eqqissiviilliornerit orniguffigineqarsimallutik.