Nuummi aalakoortorpassuit
Inuit aalakoorpallaarlutik sinilersimasut imaluunniit nammineersinnaajunnaarsimasut arlallit politiit angerlartittariaqarsimavaat. Ataasiakkaat ambulancemik aaneqarlutik Sanaliaanneqarsimapput. Aalakoortut arfinillit isertitsivimmi unnuisinneqarput.
Aalakoorpallaartut saniatigut politiit aamma nakuusertoqarneranik suliat, angerlarsimaffimmi eqqissiviilliornerit imerniartarfimmilu perulluliornerit orniguffigisimavaat. Nakuusertoqarneranik suliat tallimat, imerniartarfimmi perulluliornerit tallimat angerlarsimaffimmilu eqqissiviilliornerit aqqanillit politiit isumagisimavaat.
Nuummi politiit januaarip ingerlanerani illunut tillinniarnerpassuit ikilisarniarlugit unnukkut suliniutinik aallartisaasimapput. Sapaatip akunnerata naanerani tillinniartoqarsimanngilaq, unnuarli nal. 00.24 Securitas Telep allaffeqarfianut tillinniartoqarneranik kalerrinneqarpoq. Politiit nakkutilliillutik angalanerminni tillinniat marluusut aappaa tigusarivaat, taannalu pisoq pillugu killisiorneqartussanngortoq, Niels Nyvang Nuup politiivineersoq paasissutissiivoq.
