NunaFonden timersortartunut 300.000 koruuninik tunissuteqarpoq
Nunatsinni timersornermut atatillugu namminneq kajumissutsiminnik suliaqartorpassuit nersualaarniarlugillusooq aningaasaateqarfik GIF-imut tunissuteqarlualaavippoq. Aningaasammi taakku atorlugit timersornerup ukiuni tullinnguuttuni tamanut pilerisaatigineqarnissaanut iluaqutaassasut naatsorsuutigineqarpoq.
Timersornerup silarsuaani namminneq kajumissutsiminnik suliaqartartuvut amerlalluinnarput. Taakkumi suliaqarnerisigut meerarpassuit alliartorneri, inerikkiartornerilu malittariuartuusarpaat, meeqqallumi angusaqartarneri imminermini tunissutaasaraluaqisoq, NunaFonde-p tunissuteqarneratigut namminneq kajumissutsiminnik sullisartut pikkorissarneqarnissaanut, timersortartutta suli pikkorinnissaat taamaasilluta angulluarnerusinnaanngussallutigu.
-Namminnerlu kajumissusertik aallaavigalugu suliaqartartuvut qujassutissarpassuaqarfigaavut – ilami ajunngilluinnartumik kinguneqartunik angusaqartarmata. Meerarpassuimmi tuusintilikkaat ukioq kaajallallugu nuannaartittarpaat. Asulu uagut meeqqanut inuusuttuaqqallu pikkorissartarnissaanut peqqinnerulernissaanullu siunissamut pilersaarutivut suleriusissavullu inissillualeruttorivut iluatsilluaannarpavut, GIF-imi siulittaasoq Carsten Olsen oqarpoq.
