Niuertarfiutilik: Naqitat akiusuallaarujussuarput
Nunani allani naqiterisitsisarnitsinni millionilikkaanik sipaaruteqarpugut, Kalaallit Nunaani Brugsenini nioqqutissarsiornemi pisortaq Heine Stilling Jensen oqarpoq.
- Akigitinneqartut matumani eqqarsaatigaakka. Europami naqiterititsinitsinni sipaaruteqangaatsiarpugut, tamannalu tassa pissutigalugu Europami naqiterititsisarluta. Assartuinermut aningaasartuutit allaat ilanngukkaanni sipaaruteqarsinnaavugut, Heine Stilling Jensen, Kalaallit Nunaanni Brugsenimeersoq oqarpoq.
Nunatsinni suliffeqarfiit pisoqaanersaasa ilaat akiliisinnaajunnarluni matusariaqalerpoq.
Naqiterisitsisarfik Naqitat akiliisinnaajunnarnini nalunaarutigaa, ullullu 14-it ingerlanernneranni matuneqassaaq.
Naqitat piffisami sivisuumi ilungersunartorsioreerluni tunniutiinnarpoq, taamaalilluni kalaallit nunaata oqaluttuarisaanerani suliffeqarfiit pisoqaanersaat ukiuni 154ini ingerlareerluni unittussanngorpoq.
Naqitat ulluinnarni aqutsisuata Emma Junge Dalagerip ataasinngormat radioaviiisimi oqaluttuaraa, naqiterisitsisarfiup matuneratigut kalaallit sulisut 16-it suliffitsik annaagaat.
- Naqiterisitsisarfimmi pisisartut tigummiinnnarnissaat iluatsissimanngilaq, Naqitani pisisartoq ataaseq tallimanngormat annaaneqarpoq pisisartoq allat pisisartussatut naatsorsuutigineqartoq isumaqatigiissuteqarfigineqanngitsoorpoq, Naqitat siulersuisuisuni siulittaasup tullia Sven Lyse qarpoq.
Sven Lyse tallimanngormat taamatut oqarpoq. Kalaallit Nunaanni inuussutissarsiutinik suliaqartut Kalaallit Nunaanni suliffeqarfiit ingerlalluarnissaannik soqutigisannginnerarlugit oqarpoq.
Heine Stilling Jensen Kalaallit Nunaanni Brugsen-ineersup naqiterisitsisarfimmik Naqitat nik atuinnginnermigut million koruuninik arlalinnik sipaaruteqarsimasoq oqaatigaa, tamanna pingaaruteqartoq Heine Stilling Jensen oqarpoq.
Taamaattumiik Heine Stilling Jensen aperaarput, naqiterisitsisarfimmik nunatsinniittumik atuisinnaannginnersoq, nunatsinni suliffiit pigiinnarnissaat pillugu.
- Naqitani naqiterisitsinissaq tunngaviusumik soqutigigaluarparput, uanili pisiniarfiit pioreersut ineriartortinneqarnissaannut atuinissarput toqqarparput nioqqutissallu akikinnerusut tuniniarneqarnissaat toqqarlutigu, Heine Stilling Jensen Kalaallit Nunaanni Brugsenit nioqqutissanik pisisartuisa pisortaat oqarpoq.
Tassalu maanna imaalerpoq, naqiterisitsisarfik Naqitat ullut 14-it ingerlanneranni matussaaq.
Pisiniarfitileqatigiissuarmulllu allamut tamanna kinguneqarpoq allamik naqiterisitsisariaqalerneranik, tassami pilersuisoq naqitanik maanammut atuilluartuusimagaluarpoq
- Utaqqiisaagallartumik aaqqiisariaqassaagut, tassa Danmarkimi naqiterititsigallartariaqarpugut, naqiterivinnillu allanik ujaarlerluta. Pilersuisumi nioqqutissarsiniarnermi pisortaq, Kurt Lauritsen taama oqarpoq.
