KNR nassuiaasiorluni aallartereerpoq
KNR-ip webimi aaqqissuisorisimasaata tusagassiorfinnut partiinullu tamanut kukkunikkut mailimik privatiusumik nassitsisoorsimaneranik eqqugaasut tamaasa Hans Peter Poulsenip KNR sinnerlugu utoqqatserfigai. Mailimi tassani Partii Inuit siulittaasuat, Nikku Olsen, kusananngitsumik allaaserineqarpoq.
- Pisoq siulersuisut ilungersunarluinnartutut isigaat, taamaammat siulersuisut aqagu ataatsimiissapput, tamatumalu kingorna Naalakkersuisut nassuiaateqarfigineqassallutik, innuttaasunik kiffartuussiviup siulersuisuinut siulittaasoq oqarpoq.
Siunissami taamatut pisoqaqqinnginnissaa anguniarlugu pisoq kinguneqartinneqassasoq aamma erseqqissaatigaa.