Juullip qaammaqqutai akisusinnaapput

Juulli qanillilartuleraangat qaammaqquterpassuit ikiterneqartarput. Tassaasinnaapput naneruutit aamma qulliit innaallagissamut ikkuttakkat. Innaallagissamoortunillu pisilinnginnermi atortut qanoq innaallagissamik atuitiginerat misissoqqaaraanni isumatusaarnerussaaq.
Allattoq Peter Troelsen, Noah Mølgaard
novembarip 22-at 2012 09:33

Decemberip qaammataata ingerlanerinnaani 200 koruuninik sipaartoqarsinnaavoq qulliit innaallagissamik atuinikitsut pisiarinerisigut. Nukissiorfiit kaammattuutigaat pæretoqqat sipaarnarnerusunik LED-nik taaneqartartunik taarserneqassasut.

Juullikkunnimi innaallagissamik atuinerusarneq asuli oqarnerunngilaq. Assersuutigiinnarlugu siorna Uummannami innaallagissamik atuineq novemberimiit decemberimut 1,2 millioner koruuniniit 1,3 millioner koruuninut qaffappoq. Sisimiuni qaffariaat 300.000 koruuniuvoq Maniitsumilu qaffariaat 200.000 koruuniuvoq. Qaqortumi atuineq 100.000 koruuninik qaffariarpoq.

Juullip qaammataani innaallagissamik atuineq  appartinniaraanni imaluunniit qaammatini allani atuineq nakkutigilluarniaraanni uani isumassarsiortoqarsinnaavoq: http://www.nukissiorfiit.gl/dk/kundeservice/tjek_dit_forbrug/

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq