Johan Lund Olsen Folketingimi ilaasortanngussaaq
Johan Lund Olsen-ip qilanaaqisup, folketingimi ilaasortanngorsinnaanini piareersimaffigeersimavaa, Sara Olsvig-ip Inuit Ataqatigiit siulittaasussaattut sassarnissaminik kalerriinerata kingorna.
- Folketingimi ilaasortanngornissara piareersimaffigijuarsimavara. Tamannali misilittagaqarfigereerpara, tassa siorna ukiakkut marlussoriarlunga Sara Olsvig-ip taartaatut ataatsimeeqataasareerlunga soorluttaaq aamma upernaaq manna ataatsimeeqataasareerlunga. Piareersimavunga aamma qilanaaraara. Ataguli takoriartigu qanoq sivisutigisumik iklaasortaanissaara tassami qaqugukkulluunniit Folketingimut qinersisoqariaannaasarmat.
Johan Lund Olsen-ip aamma oqaatigaa, Sara Olsvig-ip Folketing-imi suliai nanginniarlugit piareersimaffigalugit.
- Tassa tamanna piareersimaffigilluinnarpara aammami sinniisussaalernerma kingorna Sara-lu suleqatigiinnerput pitsaasumik ingerlattaratsigu sulianik maanna ingerlanneqartunik suliassanillu eqqartueqatigiittarluta. Sara Olsvig-ip maannamut suliarisai kusarnatut ingerlateqqissavakka, tamannalu qilanaaraara.
Johan Lund Olsen-ip Folketingimi sinniisussaanermini siorna arlaleriarluni ataatsimeeqataasareerpoq aamma Sara Olsvig-ip ikioq manna allamik pisassaqarnerani Folketing-imi marlussoriarluni ataatsimeeqataasareerluni.