Eqqartuusiviit kigaappallaarput

Nunarput akiligassanik akiliisimanngitsunik nalunaarsorsimaffiannik peqalerpoq. Tassalu suliffeqarfiit ilaasortaasut pisiniartartumik akiligassatik akilertarsimaneraat nalunaarsuiffimmi KR-imi paasiniarsinnaanngorpaat.

Eqqartuusiviilli kigaappallaaqaat, suliassaqarpallaarlutik, tavalu suliffeqarfiit nalunaarsuiffimmi paasiniaasarnissartuik nakkutiginngippallaarlugu.

Tamaammat nunatsinni taamaattumik nalunarsuiveqarnissaa imminut akilersinnaanngitsoq nalunaarsuiffimmik siusinnerusukkut aallartitsisimagaluartoq, Jan Seidsen oqarpoq.

- Kalaallit Nunaani eqqartuusiviit naammassiniagassanik ima ulikkaartitaat, sulisui ima taarseraatsigaat, suliassaat utaqqissutat ima amerlatigaat, allaat assersuutigalugu suliassaq eqqartuusivimmut tunniunneqaruni ukiut pingasut qaangiuppata aatsaat suliarineqartarluni. Taamaammat inuit piginnaatitaaffigisaminnit sivisunerusumik akiitsoqarsinaanerannut,
eqqartuusiviit pisooqqataapput, Jan Seidsen taama nassuiaavoq.

Taanna nunatsinni akiitsulinnut nalunaarsuiffimmik siusinnerusukkut pilersitsisimagaluarluni, suliaq imminut akilersinnaanngimmat unitsitsiinnarpoq. Neriupporli nalunaarsuiffik nutaaq, KR, ingerlalluassasoq, suliffeqarfinnut nunatsinnullu iluaqutaasumik.

- Akiitsulinnut nalunaarsuiffimmik Kalaallit Nunaat amigaateqarluinnarpoq. Soorlu nunani allani taamaattoqartoq aamma maani akiliinngitsoortartoqarpoq. Kalaallit Nunaanili akiligassaminnik akiliisimanngitsut pillaatisiarigisartagaat assersuutigalugu Danmarkimi pilliaatisianut naleqqiullugu sakkukinneroqaaq, Jan Seidsen oqarpoq.

Taassuamu tikkuarpaa Danmarkimi akiligassaminnik akiliinngitsoortunut nalunaarsuiffimmi nalunaarneqarsimasut inissiamik attartorsinnaajunnaartartut. Nunatsinni Namminersorlutik Oqartussanut akiitsoqaraani, akiitsunik akileraartarnermi aaqqissuussinikkut akilersuisoqarsinnaasoq. Suliffeqarfiilli namminersortut  assigusumik periarfissaqanngillat. Taamaakkaluartoq Jan Seidsen suliffeqarfinnut namminersortunut kaammattuivoq, akiligassaminnik akiliineq ajortunik nalunaarsuiffimmut nalunaaruteqartaqqullugit tassanilu atinik misissuisaqullugit.  

- Assersuutigalugu TV-mik ukioq manna 2014-imi tunisiguit, taannalui akilerneqanngippat, taava akiliisitsiniartartup suliani ukiut sisamat qaangiuppata naammassissavaa. Taava tassani aatsaat aningaasartuutitut akileraartarfimmtu nalunaarutigisinnaavat, naak uffa ukioq manna anigaasaertuutigigaluarlugu, anmingaasarsiornermik ilisimasalik Jan Seidsen oqarpoq.

Taassumallu taamatut oqarnermini Naalagaaffik kissaateqarfigaa nunatsinni eqqartuusiveqarnerup sukkanerusumik sullissilernissaa pillugu sulissuteqaqqullugu.