Avaleraasartoorniarneq ingerlanneqaleruttorpoq

Avaleraasartuunik misiliummik aalisarneq ingerlanneqaleruttortoq, Royal Greenlandimiit Polar Seafoodimiillu oqaatigineqarpoq. Kilisaatit sisamat tunup imartaani maannakkut aalisaleruttorput.
Allattoq Dorthea Johansen
juulip 01-at 2014 14:32

Piginneqatigiiffiit 37-it avaleraasartoornianermut misileraanermik aalisarniarlutik qinnuteqarsimapput. Taakkunanilu 12-it pisassinneqarput.

Taakkunani ilaapput Royal Greenlandip aalisariutai marluk, Tuugaalik aamma Timmiarmiut. Aamma Polar Seafoodip kilisaatai marluk, Polar Amarok 18-inik inuttaqartoq, Polar Princessilu 24-inik inuttaqartoq.

Kilisaatit taakku sisamat 18.000-it 20.000 tonsit missaani pisassinneqarsimapput.

Aaliusariutaatillit mikinerusut akunnattumillu angissuseqartut avaleraasartoorniarnissamut akuerisaasut tassaapput Niisa Trawl, Robert Møller, Halibut Greenland, Michael Skourup aamma Arctic Prime.

52.000 tonsit aalisariutaatilinnut kalaallinit pigineqartunut aalisagartassiissutigineqarput.

Nunarput katillugit 100.000 tonsini avaleraasartoortassaqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq